കൊല്ലം: ഡ്രൈ ഡേ തീയതികളില്‍ വില്പനയ്ക്കായി സൂക്ഷിച്ചിരുന്ന വന്‍ മദ്യശേഖരം പിടികൂടി. കൊല്ലം എക്സൈസ് ഇന്‍സ്‌പെക്ടര്‍ ആര്‍. രജിത്തിന്റെ നേതൃത്വത്തില്‍ നീരാവില്‍ ഭാഗത്ത് നടത്തിയ റെയ്ഡിലാണ് വീട്ടില്‍ സൂക്ഷിച്ചിരുന്ന 206 കുപ്പി(103 ലിറ്റര്‍) ഇന്ത്യന്‍ നിര്‍മിത വിദേശമദ്യം പിടിച്ചെടുത്തത്. വില്പനയ്ക്കായി മദ്യം വീട്ടില്‍ സൂക്ഷിച്ച നീരാവില്‍ അക്ഷരമുറ്റം റസിഡന്‍സ് നഗറിലെ വില്‍സണ്‍(ജോണ്‍പോള്‍-44) എന്നയാളെ എക്സൈസ് അറസ്റ്റ്‌ ചെയ്തു.
പ്രിവന്റീവ് ഓഫീസര്‍മാരായ എസ്.ആര്‍. ഷെറിന്‍ രാജ്, ആര്‍ സതീഷ് ചന്ദ്രന്‍, സിവില്‍ എക്സൈസ് ഓഫീസര്‍മാരായ എസ് സിദ്ദു, ടി. ശ്യാംകുമാര്‍, വി അജീഷ് ബാബു, വനിത സിവില്‍ എക്സൈസ് ഓഫീസര്‍ സുനിത എല്‍, എക്സൈസ് ഡ്രൈവര്‍ ശിവപ്രകാശ് എന്നിവരാണ് അന്വേഷണ സംഘത്തിലുണ്ടായിരുന്നത്. കൊല്ലം എക്സൈസ് സര്‍ക്കിള്‍ ഓഫീസിന്റെ നേതൃത്വത്തില്‍ കഴിഞ്ഞ ഒരാഴ്ചയ്ക്കുള്ളില്‍ നടത്തിയ പരിശോധനകളില്‍ 226 ലിറ്റര്‍ വിദേശമദ്യം പിടിച്ചെടുത്തിരുന്നു. അതില്‍ 123 ലിറ്റര്‍ കേരളത്തില്‍ വില്‍പ്പന അവകാശമില്ലാത്ത അന്യസംസ്ഥാന മദ്യമാണ്. ഇത് കടത്തിയതിന് തേവള്ളി കോട്ടയ്ക്കകം വാര്‍ഡില്‍ ജോസഫ് എന്നയാളെ റിമാന്‍ഡ് ചെയ്തിരുന്നു.
Content Highlights: Kollam Excise officials have seized a large stock of Indian-made foreign liquor (IMFL) hidden in a house in Neeravil, intended for sale during dry days. One person arrested.
Published: 01 Oct 2025, 06:18 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented