കോഴിക്കോട്: കരിപ്പൂർ വിമാനത്താവളത്തിൽ ഡി.ആർ.ഐയുടെ വൻ സ്വർണവേട്ട. ഹാൻഡ് ബാഗിൽ ഒളിപ്പിച്ച് കടത്താൻ ശ്രമിച്ച 1.67 കോടി രൂപയുടെ സ്വർണം പിടികൂടി. സംഭവത്തിൽ കാസർകോട് സ്വദേശി മുഹമ്മദ് അസ്ഹറുദ്ദീനെ കസ്റ്റഡിയിലെടുത്തു.

To advertise here,

ഇന്ന് രാവിലെയാണ് അബുദാബിയിൽ നിന്നും കാസർകോട് സ്വദേശിയായ മുഹമ്മദ് അസ്ഹറുദ്ദീൻ കരിപ്പൂർ വിമാനത്താവളത്തിൽ എത്തുന്നത്. രഹസ്യവിവരം ലഭിച്ചതിന്റെ അടിസ്ഥാനത്തിൽ ഡിആർഐ ഇയാളെ കേന്ദ്രീകരിച്ച് പരിശോധന നടത്തുകയായിരുന്നു. തുടർന്നാണ് അസ്ഹറുദ്ദിന്റെ ഹാൻഡ്ബാഗിൽ ഒളിപ്പിച്ച നിലയിൽ സ്വർണം കണ്ടെത്തിയത്. പശയുടെ രൂപത്തിലായിരുന്നു സ്വർണം ഉണ്ടായിരുന്നത്.

സമീപകാലത്ത് തന്നെ ഡി.ആർ.ഐയുടെ ഏറ്റവും വലിയ സ്വർണവേട്ടകളിൽ ഒന്നാണ് ഇത്. കഴിഞ്ഞ അഞ്ചു ദിവസത്തിനിടെ നടക്കുന്ന നാലാമത്തെ സ്വർണവേട്ട കൂടിയാണ് ഇത്. കഴിഞ്ഞ മൂന്നും പോലീസാണ് പിടിച്ചതെങ്കിൽ ഇത് വിമാനത്താവളത്തിനുള്ളിൽ നിന്നാണ് ഡി.ആർ.ഐയുടെ നടപടി.