തിരുവനന്തപുരം: വെള്ളറടയില്‍ വഴിത്തര്‍ക്കത്തിന്റെ പേരില്‍ 75-കാരിയെയും മകളെയും മര്‍ദിച്ചതായി പരാതി. വെള്ളറട മരപ്പാലം സ്വദേശി സുന്ദരി, മകള്‍ ഗീത എന്നിവര്‍ക്കാണ് മര്‍ദനമേറ്റത്. കഴിഞ്ഞ തിങ്കളാഴ്ചയായിരുന്നു സംഭവം.
നാലുമാസത്തോളമായി സുന്ദരിയുടെ കുടുംബവും സമീപവാസികളുമായി വഴിത്തര്‍ക്കം നിലനില്‍ക്കുന്നുണ്ട്. ഇതുസംബന്ധിച്ച കേസ് കോടതിയുടെ പരിഗണനയിലാണ്. ഇതിനിടെയാണ് തിങ്കളാഴ്ച ഇരുപതോളംപേരടങ്ങുന്ന സംഘം വീടിന്റെ ചുറ്റുമതില്‍ പൊളിക്കാനെത്തിയതെന്നാണ് പരാതിക്കാരുടെ ആരോപണം.
മതില്‍ പൊളിക്കാന്‍ ശ്രമിച്ചപ്പോള്‍ ഗീത ഇത് തടയാന്‍ ശ്രമിക്കുകയും തുടര്‍ന്ന് സമീപവാസികള്‍ ഇവരെ ആക്രമിച്ചെന്നുമാണ് പരാതി. മകളെ മര്‍ദിക്കുന്നത് കണ്ട് തടയാനെത്തിയ സുന്ദരിക്കും മര്‍ദനമേറ്റെന്നും പരാതിയില്‍ പറയുന്നു. സംഭവത്തില്‍ പരിക്കേറ്റ ഇരുവരും പിന്നീട് ചികിത്സ തേടുകയും പോലീസിനെ സമീപിക്കുകയുമായിരുന്നു.
Content Highlights: elderly woman and daughter attacked in vellarada thiruvananthapuram
Published: 16 Aug 2023, 04:58 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented