ജോലി സ്ഥലത്തെ പ്രശ്‌നങ്ങളെ പറ്റിയുള്ള ചര്‍ച്ചകളും മറ്റും ചിലപ്പോഴൊക്കെ റെഡ്ഡിറ്റില്‍ ചര്‍ച്ചാവിഷയമാകാറുണ്ട്. ഇത്തരത്തില്‍ ചൂടേറിയ ചര്‍ച്ചയ്ക്ക് തുടക്കമാവുകയാണ് ഒരു പിരിച്ചുവിടല്‍ പോസ്റ്റ്. ഒരു മെന്റല്‍ ഹെല്‍ത്ത് സ്റ്റാര്‍ട്ടപ്പിലെ മുന്‍ ജീവനക്കാരിയുടെ പോസ്റ്റാണ് ചര്‍ച്ചകള്‍ക്ക് തുടക്കമിട്ടത്.
ലിങ്ക്ഡ്ഇന്നില്‍ ടോക്‌സിക് വര്‍ക്ക് എന്‍വയോണ്‍മെന്റുകളെ പറ്റിയുള്ള ഒരു പോസ്റ്റ് ലൈക്ക് ചെയ്തതിനാണ് ജീവനക്കാരിയെ മെന്റല്‍ ഹെല്‍ത്ത് സ്റ്റാര്‍ട്ടപ്പ് പിരിച്ചുവിട്ടത്. അവിടുത്തെ ടോക്‌സിക് അന്തരീക്ഷം തന്റെ മാനസികാരോഗ്യത്തെയും ബാധിച്ചുവെന്നാണ് ജീവനക്കാരി പറയുന്നത്.
കമ്പനിയുടെ സിഇഒയെ ആട്ടിന്‍ തോലിട്ട് ചെന്നായ് എന്നാണ് ജീവനക്കാരി വിശേഷിപ്പിച്ചത്. യാതൊരു മുന്നറിയിപ്പും നല്‍കാതെയാണ് ജീവനക്കാരിയെ കമ്പനി പിരിച്ചുവിട്ടത്. ടോക്‌സിക് അന്തരീക്ഷമുള്ള ജോലി സ്ഥലങ്ങളെ വിമര്‍ശിക്കുന്ന ഒരു പോസ്റ്റ് ലൈക്ക് ചെയ്തുവെന്ന ഒറ്റക്കാരണത്താലാണിതെന്നും യുവതി വാദിച്ചു.
ഓഫീസ് ടോയ്‌ലറ്റില്‍ വരെ ഇരുന്ന് താന്‍ കരയുമായിരുന്നുവെന്നും സ്ഥിതി അത്ര മോശമായിരുന്നുവെന്നും ജീവനക്കാരി പോസ്റ്റിലൂടെ പറയുന്നു. തന്റെ പേര് വെളിപ്പെടുത്താന്‍ ജീവനക്കാരി ആഗ്രഹിക്കുന്നില്ല. ഒരു മെന്റല്‍ ഹെല്‍ത്ത് സ്ഥാപനം തന്നെ ഇത്തരം പ്രവര്‍ത്തനങ്ങളില്‍ ഏര്‍പ്പെടുന്നതിനെയും വിമര്‍ശിച്ച് നിരവധി പേരാണ് കമന്റുമായി എത്തിയത്.
Content Highlights: startup employee claims she was fired liking post on toxic workplaces
Published: 13 Sept 2024, 10:34 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented