സ്റ്റാഫ് സെലക്ഷന്‍ കമ്മീഷന്‍ (SSC) കംബൈന്‍ഡ് ഹയര്‍ സെക്കന്‍ഡറി ലെവല്‍ (CHSL) പരീക്ഷയുടെ ഔദ്യോഗിക വിജ്ഞാപനം പ്രസിദ്ധീകരിച്ചു. കമ്മീഷന്റെ ഔദ്യോഗിക പോര്‍ട്ടലായ ssc.gov.inല്‍ വിജ്ഞാപനം ലഭ്യമാണ്.
ജൂണ്‍ 23 മുതല്‍ ജൂലൈ 18 വരെ അപേക്ഷ സമര്‍പ്പിക്കാം. ടയര്‍-I പരീക്ഷ സെപ്റ്റംബര്‍ 8 മുതല്‍ 18 വരെ നടത്താനാണ് നിശ്ചയിച്ചിട്ടുള്ളത്.
ഒഴിവുകളും തസ്തികകളും: 3,131 ഒഴിവുകളാണ് വിജ്ഞാപനം ചെയ്തിരിക്കുന്നത്.
ഒഴിവുള്ള തസ്തികകള്‍
- ലോവര്‍ ഡിവിഷന്‍ ക്ലര്‍ക്ക് (LDC)
- ജൂനിയര്‍ സെക്രട്ടേറിയറ്റ് അസിസ്റ്റന്റ് (JSA)
- പോസ്റ്റല്‍ അസിസ്റ്റന്റ് (PA)
- സോര്‍ട്ടിംഗ് അസിസ്റ്റന്റ് (SA)
- ഡാറ്റാ എന്‍ട്രി ഓപ്പറേറ്റര്‍ (DEO)
ആര്‍ക്കൊക്കെ അപേക്ഷിക്കാം?
അപേക്ഷകര്‍ അംഗീകൃത ബോര്‍ഡില്‍ നിന്ന് പ്ലസ് ടു അല്ലെങ്കില്‍ തത്തുല്യ പരീക്ഷ പാസായിരിക്കണം. ഉപഭോക്തൃകാര്യ, ഭക്ഷ്യ പൊതുവിതരണ മന്ത്രാലയം, സാംസ്‌കാരിക മന്ത്രാലയം, സ്റ്റാഫ് സെലക്ഷന്‍ കമ്മീഷന്‍ എന്നിവിടങ്ങളിലെ ഡാറ്റാ എന്‍ട്രി ഓപ്പറേറ്റര്‍ (DEO)/DEO ഗ്രേഡ് 'എ' തസ്തികയിലേക്ക് അപേക്ഷിക്കുന്നവര്‍ സയന്‍സ് വിഷയത്തില്‍ പ്ലസ് ടു പൂര്‍ത്തിയാക്കിയിരിക്കണം. കൂടാതെ മാത്തമാറ്റിക്‌സ് ഒരു വിഷയമായി പഠിച്ചിരിക്കണം.
അപേക്ഷകര്‍ക്കുള്ള പ്രായപരിധി 2025 ഓഗസ്റ്റ് 1-ന് 18 മുതല്‍ 27 വയസ്സ് വരെയാണ്, സര്‍ക്കാര്‍ മാനദണ്ഡങ്ങള്‍ക്കനുസരിച്ച് സംവരണ വിഭാഗക്കാര്‍ക്ക് ഇളവുകള്‍ ബാധകമാണ്.
അപേക്ഷാ ഫീസും രീതിയും
അപേക്ഷകള്‍ ഓണ്‍ലൈന്‍ വഴി മാത്രം സമര്‍പ്പിക്കണം. പൊതുവിഭാഗക്കാര്‍ക്ക് അപേക്ഷാ ഫീസ് 100 രൂപയാണ്, എന്നാല്‍ SC/ST/PwD/വനിത/വിമുക്തഭടന്‍ വിഭാഗങ്ങളില്‍പ്പെട്ട ഉദ്യോഗാര്‍ത്ഥികള്‍ക്ക് ഫീസ് ഇല്ല.
എങ്ങനെ അപേക്ഷിക്കാം
- SSC-യുടെ ഔദ്യോഗിക പോര്‍ട്ടലായ ssc.gov.in സന്ദര്‍ശിക്കുക.
- 'Apply' വിഭാഗത്തില്‍ ക്ലിക്ക് ചെയ്ത് CHSL ലിങ്ക് തിരഞ്ഞെടുക്കുക.
- പുതിയതായി ചേരുന്ന വ്യക്തി ലോഗിന്‍ വിവരങ്ങള്‍ ലഭിക്കുന്നതിന് രജിസ്റ്റര്‍ ചെയ്യണം.
- ലോഗിന്‍ ചെയ്ത് ഓണ്‍ലൈന്‍ ഫോം പൂരിപ്പിക്കുക.
- ആവശ്യമായ രേഖകള്‍ അപ്ലോഡ് ചെയ്യുകയും അപേക്ഷാ ഫീസ് അടയ്ക്കുകയും ചെയ്യുക.
- ഫോം സമര്‍പ്പിക്കുക, ഭാവി ഉപയോഗത്തിനായി ഒരു പകര്‍പ്പ് സൂക്ഷിക്കുക.
തിരഞ്ഞെടുപ്പ് പ്രക്രിയ
- ടയര്‍ 1: ഓണ്‍ലൈന്‍ ഒബ്ജക്ടീവ് ടൈപ്പ് പരീക്ഷ
- ടയര്‍ 2: വിവരണാത്മകവും സ്‌കില്‍ അധിഷ്ഠിതവുമായ പരീക്ഷകള്‍
- സ്‌കില്‍/ടൈപ്പിംഗ് ടെസ്റ്റ്: തസ്തികയെ ആശ്രയിച്ച് ബാധകം
ടയര്‍ 1 കട്ട്ഓഫ് ക്ലിയര്‍ ചെയ്യുന്ന ഉദ്യോഗാര്‍ത്ഥികള്‍ക്ക് ടയര്‍ 2-ലേക്ക് പ്രവേശിക്കാം. അതിനുശേഷം അപേക്ഷിച്ച തസ്തിക അനുസരിച്ച് സ്‌കില്‍ ടെസ്റ്റ് ഉണ്ടാകും. വിശദമായ SSC CHSL 2025 വിജ്ഞാപനത്തിന്റെ PDF കമ്മീഷന്റെ വെബ്‌സൈറ്റില്‍ ലഭ്യമാണ്. യോഗ്യത, സംവരണ നിയമങ്ങള്‍, പരീക്ഷാ സിലബസ്, മറ്റ് പ്രധാന നിര്‍ദ്ദേശങ്ങള്‍ എന്നിവയെക്കുറിച്ചുള്ള പൂര്‍ണ്ണ വിവരങ്ങള്‍ ഇതില്‍ ഉള്‍പ്പെടുന്നു.
Content Highlights: SSC CHSL 2025 Notification: Apply Now!
Published: 25 Jun 2025, 02:37 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented