ഓൾ ഇന്ത്യ ബാർ എക്സാമിനേഷൻ (AIBE) XXI പരീക്ഷയുടെ ഫലം ബാർ കൗൺസിൽ ഓഫ് ഇന്ത്യ പ്രഖ്യാപിച്ചു. പരീക്ഷയെഴുതിയ ഉദ്യോഗാർത്ഥികൾക്ക് ഔദ്യോഗിക വെബ്‌സൈറ്റായ allindiabarexamination.com സന്ദർശിച്ച് ഫലം പരിശോധിക്കാം. ഇതിനൊപ്പം ഫൈനൽ ആൻസർ കീയും പുറത്തുവിട്ടിട്ടുണ്ട്.

To advertise here,

വിജയശതമാനവും മറ്റ് കണക്കുകളും

ഇത്തവണ പരീക്ഷയെഴുതിയ 1,75,701 പേരിൽ 1,15,805 ഉദ്യോഗാർത്ഥികൾ യോഗ്യത നേടി. 65.92 ശതമാനമാണ് ആകെ വിജയശതമാനം. അതേസമയം, പരീക്ഷാ ക്രമക്കേടുകളെ തുടർന്ന് 20 പേരുടെ ഫലം തടഞ്ഞുവെച്ചിരിക്കുകയാണ്.

യോഗ്യതാ മാർക്കിൽ ഇളവ്

ചോദ്യപേപ്പർ വിലയിരുത്തിയ ശേഷം മോണിറ്ററിങ് കമ്മിറ്റി യോഗ്യതാ മാർക്ക് മൂന്ന് മാർക്ക് വീതം കുറച്ചു. നേരത്തെ ജനറൽ വിഭാഗത്തിന് 45 മാർക്കും, SC/ST വിഭാഗങ്ങൾക്ക് 40 മാർക്കുമായിരുന്നു യോഗ്യതയ്ക്ക് വേണ്ടിയിരുന്നത്.

  • പുരുഷന്മാർ: 1,10,909 പേർ പരീക്ഷയെഴുതിയതിൽ 73,045 പേർ യോഗ്യത നേടി.

  • സ്ത്രീകൾ: 64,784 പേർ എഴുതിയതിൽ 42,757 പേർ വിജയിച്ചു.

  • ട്രാൻസ്‌ജെൻഡർ: എട്ട് പേർ പരീക്ഷയെഴുതിയതിൽ മൂന്ന് പേർ യോഗ്യത നേടി.

വിഭാഗം തിരിച്ചുള്ള കണക്കുകൾ

  • ജനറൽ : 87,145 പേരിൽ 59,709 പേർ വിജയിച്ചു.

  • ഒബിസി : 58,804 പേരിൽ 36,210 പേർ യോഗ്യത നേടി.

  • എസ്‌സി : 24,127 പേരിൽ 16,462 പേർ വിജയിച്ചു.

  • എസ്ടി : 5,625 പേരിൽ 3,424 പേർ യോഗ്യത നേടി.

അടുത്ത എഡിഷൻ പരീക്ഷയ്ക്കുള്ള തീയതികളും കൗൺസിൽ പ്രഖ്യാപിച്ചിട്ടുണ്ട്. ഇതിനായുള്ള ഓൺലൈൻ രജിസ്ട്രേഷൻ ഓഗസ്റ്റ് 19-ന് ആരംഭിക്കും. ഒക്ടോബർ 27 വരെ അപേക്ഷകൾ സമർപ്പിക്കാം.