സൂപ്പർബൈക്കുകളിലെ അതിസുരക്ഷാ നമ്പർപ്ലേറ്റുകൾ പൊട്ടിച്ചുമാറ്റി ഫ്രീക്കന്മാർ പായുന്നുവെന്ന പരാതി ഉയർന്നിരുന്നു. ഇതേ തുടർന്ന് എറണാകുളം എൻഫോഴ്സ്‌മെന്റ് ആർ.ടി.ഒ ജി. അനന്തകൃഷ്ണൻ പരിശോധനയ്ക്ക് പ്രത്യേക സ്ക്വാഡിന് രൂപംനൽകിയാണ് ഇത്തരം നിയമലംഘകരെ പൂട്ടുന്നത്.
2019 ഏപ്രിലിന് ശേഷം നിർമിച്ച വാഹനങ്ങൾക്ക് അഴിച്ചുമാറ്റാൻ കഴിയാത്തവണ്ണം സ്ഥിരമായി ഘടിപ്പിക്കുന്ന അതീവസുരക്ഷാ നമ്പർപ്ലേറ്റുകൾ നിർബന്ധമാക്കിയിരുന്നു. സ്‌ക്രൂവിന് പകരം റിവെറ്റ് ചെയ്ത് പിടിപ്പിക്കുന്നതിനാൽ നമ്പർപ്ലേറ്റ് പൊട്ടിച്ചാൽ മാത്രമേ അഴിക്കാൻ കഴിയൂ. എന്നാൽ, നിരവധിപേരാണ് ഈ നമ്പർപ്ലേറ്റുകൾ പൊട്ടിച്ചെടുത്ത് നമ്പരില്ലാതെ ഓടിക്കുന്നതെന്ന് കണ്ടെത്തിയതോടെയാണ് അധികൃതർ പരിശോധന കടുപ്പിച്ചത്.
നമ്പർപ്ലേറ്റുകളില്ലാത്ത വാഹനം പിടികൂടിയാൽ നേരിട്ട്‌ കോടതിയിലേക്ക്‌ കൈമാറും. കഴിഞ്ഞദിവസം പിടികൂടിയ ബൈക്ക് കോടതിക്ക് വിട്ടിരിക്കുകയാണ്. ഇതിന്റെ ഭാഗമായി ബൈക്ക് ആലുവ പോലീസിന് കൈമാറി. പിന്നീട് കോടതി വിധിക്കുന്ന ശിക്ഷയ്ക്കുശേഷമേ വാഹനം വിട്ടുകിട്ടൂ.
അതീവസുരക്ഷാ നമ്പർപ്ലേറ്റുകൾ അനുവദിച്ചിട്ടും അവ ഘടിപ്പിക്കാതെ മറ്റു നമ്പർപ്ലേറ്റുകൾ പിടിപ്പിക്കുന്നത് നമ്പർപ്ലേറ്റ് ഇല്ലാത്തതിനു തുല്യമായി കണക്കാക്കി കർശന നടപടി സ്വീകരിക്കുമെന്നും എൻഫോഴ്സ്‌മെന്റ് ആർ.ടി.ഒ. വ്യക്തമാക്കി.
മോട്ടോർ വെഹിക്കിൾ ഇൻസ്പെക്ടർ പി.എസ്. ജയരാജ്, അസി. വെഹിക്കിൾ ഇൻസ്പെക്ടർ നിഷാന്ത് ചന്ദ്രൻ, ഡ്രൈവർ ജിലേഷ് എന്നിവരുടെ നേതൃത്വത്തിലായിരുന്നു പരിശോധന.
Published: 26 Jan 2022, 10:30 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented