ഡീസല്‍ എന്‍ജിനില്‍ മാത്രമെത്തി നിരത്ത് കീഴടക്കിയിരുന്ന മാരുതിയുടെ വാഹനങ്ങള്‍ പെട്രോള്‍ എന്‍ജിനിലേക്ക് ചുവടുവയ്ക്കുകയാണ്. പെട്രോള്‍ എന്‍ജിന്‍ ബ്രെസയ്ക്ക് പിന്നാലെ ക്രോസ് ഓവര്‍ മോഡലായ എസ്-ക്രോസിനും ഇനി പെട്രോള്‍ എന്‍ജിന്‍ കരുത്തേകും. കൊറോണ ലോക്ക് ഡൗണ്‍ നീങ്ങിയാലുടന്‍ ഈ വാഹനം നിരത്തുകളിലെത്തുമെന്നാണ് പ്രതീക്ഷ.
എസ്-ക്രോസ് പെട്രോള്‍ മോഡലിനായി ഒരുങ്ങാം എന്ന തലക്കെട്ടോടെ നെക്‌സയുടെ ഔദ്യോഗിക വെബ്‌സൈറ്റില്‍ ടീസര്‍ നല്‍കിയാണ് പെട്രോള്‍ എസ്-ക്രോസിന്റെ വരവറിയിച്ചിരിക്കുന്നത്. ബിഎസ്-6 എന്‍ജിന്റെ വരവോടെ എസ്-ക്രോസ് ഡീസല്‍ നിരത്തൊഴിഞ്ഞിരുന്നു. ഈ സ്ഥാനത്തേക്കാണ് പെട്രോള്‍ എന്‍ജിന്‍ എസ്-ക്രോസിന്റെ വരവ്.
മാരുതിയുടെ സിയാസ്, എര്‍ട്ടിഗ, എക്‌സ്എല്‍-6, ബ്രെസ എന്നീ മോഡലുകള്‍ക്ക് കരുത്തേകുന്ന 1.5 ലിറ്റര്‍ ഫോര്‍ സിലിണ്ടര്‍ എന്‍ജിനാണ് എസ്-ക്രോസിലും നല്‍കുന്നത്. ഇത് 103 ബിഎച്ച്പി പവറും 138 എന്‍എം ടോര്‍ക്കുമേകും. ഇന്ധന ക്ഷമത ഉറപ്പാക്കാന്‍ സുസുക്കി ഡ്യുവല്‍ ബാറ്ററി സിസ്റ്റം- മൈല്‍ഡ് ഹൈബ്രിഡ് സംവിധാനവും ഇതില്‍ നല്‍കും.
ബിഎസ്-6 എന്‍ജിനിലേക്ക് മാറുന്നതിന് പുറമെ, കൂടുതല്‍ ഫീച്ചറുകളും ഈ വാഹനത്തില്‍ സ്ഥാനം പിടിക്കുന്നുണ്ട്. ഇന്റീരിയറില്‍ സ്മാര്‍ട്ട്‌പ്ലേ സ്റ്റുഡിയോ ഇന്‍ഫോടെയ്ന്‍മെന്റ് സിസ്റ്റം നല്‍കിയപ്പോള്‍, എക്‌സ്റ്റീരിയറില്‍ പുതിയ റിയര്‍ വ്യൂ മിറര്‍, പുതിയ ഇന്റിക്കേറ്റര്‍ ലൈറ്റ്, സ്‌പോര്‍ട്ടി അലോയി വീല്‍ എന്നിവയും നല്‍കിയിട്ടുണ്ട്.
2017-ലാണ് എസ്-ക്രോസിന്റെ മുഖം മിനിക്കിയ പതിപ്പ് അവതരിപ്പിച്ചത്. പ്രൊജക്ഷന്‍ ഹെഡ്‌ലാമ്പ്, എല്‍ഇഡി ഡിആര്‍എല്‍, ഇന്റിക്കേറ്ററുകളുള്ള റിയര്‍വ്യൂ മിറര്‍, എല്‍ഇഡി ടെയ്ല്‍ലാമ്പ്, എന്നിവ എക്സ്റ്റീരിയറിലും ഇന്‍ഫോടെയ്ന്‍മെന്റ് സിസ്റ്റം, സ്റ്റാര്‍ട്ട്-സ്‌റ്റോപ്പ് ബട്ടണ്‍, ഓട്ടോമാറ്റിക് എയര്‍ കണ്ടീഷന്‍ എന്നിവ ഈ വരവിലാണ് എസ്-ക്രോസില്‍ സ്ഥാനം പിടിച്ചത്.
Content Highlights: Maruti Suzuki S-Cross Petrol Model Launch Soon
Published: 03 Apr 2020, 12:49 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented