തിരുവമ്പാടി: വന്യജീവി ആക്രമണത്തിൽ നിന്ന് മനുഷ്യജീവനും കൃഷിക്കും സംരക്ഷണം നൽകുന്നതിനുള്ള നൂതന പ്രതിരോധ മാർഗങ്ങൾ വികസിപ്പിക്കുന്ന അഗ്രി-സ്റ്റാർട്ടപ്പുകൾക്ക് സാമ്പത്തിക പിന്തുണ നൽകുന്ന പദ്ധതി പ്രഖ്യാപിച്ചു.
ലോകബാങ്ക് സഹായത്തോടെ കൃഷിവകുപ്പിന്റെ നേതൃത്വത്തിൽ നടപ്പാക്കുന്ന കേര (KERA) പദ്ധതിയുടെ ഭാഗമായി വന്യജീവി ആക്രമണ പ്രതിരോധത്തിനും വിള സംരക്ഷണത്തിനുമായി നൂതന ആശയങ്ങളുമായി മുന്നോട്ട് വരുന്ന അഗ്രി-സ്റ്റാർട്ടപ്പുകൾക്ക് നാല് ലക്ഷം രൂപ വീതം പ്രാരംഭ സാമ്പത്തിക സഹായം നൽകും. ആദ്യഘട്ടത്തിൽ പരിമിതമായ എണ്ണം സ്റ്റാർട്ടപ്പുകളെ ഉൾപ്പെടുത്തി പദ്ധതി നടപ്പാക്കും. തുടർന്ന് പദ്ധതി വിപുലപ്പെടുത്തുന്നതിനുള്ള നടപടികളും സ്വീകരിക്കും.
വന്യജീവി സംഘർഷം ലഘൂകരിക്കുന്നതിനുള്ള പ്രതിരോധ സംവിധാനങ്ങൾ, മനുഷ്യജീവനും സ്വത്തിനും സംരക്ഷണം നൽകുന്ന സാങ്കേതികവിദ്യകൾ, കാർഷിക മേഖലയുടെ സുരക്ഷ വർധിപ്പിക്കുന്ന നൂതന ആശയങ്ങൾ എന്നിവയ്ക്ക് സ്റ്റാർട്ടപ്പുകളുടെ പങ്കാളിത്തം പ്രയോജനപ്പെടുത്തുമെന്നും കൃഷിവകുപ്പ് മന്ത്രി ടി സിദ്ധിഖ് പറഞ്ഞു.
Published: 30 Sept 2026, 08:05 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented