ഐച്ചി-നാഗോയ ഏഷ്യൻ ഗെയിംസിൽ രണ്ട് വെള്ളി മെഡലുകൾ നേടി ചരിത്രം കുറിച്ച മലയാളി ഷൂട്ടിങ് താരം വിദർശ കെ. വിനോദിന് നാടിന്റെ വരവേൽപ്പ്. വനിതകളുടെ 10 മീറ്റർ എയർ റൈഫിൾ ടീം ഇനത്തിലും 50 മീറ്റർ റൈഫിൾ 3 പൊസിഷൻസ് ടീം ഇനത്തിലുമാണ് വിദർശ വെള്ളി നേടിയത്. ഷൂട്ടിങ്ങിൽ ഏഷ്യൻ ഗെയിംസ് മെഡൽ നേടുന്ന കേരളത്തിലെ ആദ്യ വനിതാ താരമെന്ന നേട്ടവും വിദർശ സ്വന്തമാക്കി.
രാജ്യത്തിനും കേരളത്തിലെ ജനങ്ങൾക്കും വേണ്ടിയാണ് ഈ മെഡൽ നേടിയതെന്നും ഇത്രയും വലിയൊരു സ്വീകരണം ലഭിക്കുമെന്ന് പ്രതീക്ഷിച്ചിരുന്നില്ലെന്നും വളരെ സന്തോഷവും ആവേശവുമുണ്ടെന്നും വിദർശ പറഞ്ഞു. ലോക ചാമ്പ്യൻഷിപ്പാണ് ഇനി അടുത്ത ലക്ഷ്യം. അതിനായി പരിശീലനം തുടങ്ങും. ഒളിമ്പിക്‌സിലേക്കുള്ള വാതിലാണ് ലോക ചാമ്പ്യൻഷിപ്പെന്നും താരം പറഞ്ഞു. ഏഷ്യൻ ഗെയിംസ് മെഡൽ നേട്ടത്തിന്റെ വിശേഷങ്ങളും അടുത്ത ലക്ഷ്യങ്ങളും താരം മാതൃഭൂമി ഡോട്ട്കോമിനോട് പങ്കുവെക്കുന്നു.

To advertise here,