രണ്ടുകൊല്ലം മുൻപാണ് പണിതീർത്തത്, ചികിത്സക്ക് പോലും പണം തികയാത്തപ്പോൾ ഇനി എന്ത് ചെയ്യാനാണ്..?

ജീവിതത്തിലെ സമ്പാദ്യമെല്ലാം കൂട്ടി വെച്ചാണ് സുബൈർ രണ്ട് മുറി വീടിനെ രണ്ടുകൊല്ലം മുമ്പ് പണിത് അടച്ചുറുപ്പുള്ള നല്ലൊരു വീടാക്കി മാറ്റിയത്. ആ കടങ്ങൾ തീർക്കുന്നതിനിടെയാണ് ഇടുത്തീപോലെ കാൻസർ പിടിപെട്ടത്. ചികിത്സക്കുള്ള പണം കണ്ടെത്തുന്നതിനിടെയാണ് മഴയിൽ വീട് തകർന്നത്. വീടിന്റെ മുൻ ഭാഗം ഒന്നാകെ ഇടിഞ്ഞു താഴുകയാണ്. ചികിത്സക്ക് പോലും പണം കണ്ടെത്താൻ സാധിക്കാത്ത സാഹചര്യത്തിൽ ഇനി എന്തു ചെയ്യണമെന്ന് അറിയാതെ ദുരിതത്തിലായിരിക്കുകയാണ് സുബൈർ.