ഫൈനലിന് മുൻപുള്ള ഫൈനലായിരിക്കും സ്‌പെയിനും ഫ്രാൻസും തമ്മിലുള്ള സെമി . എംബാപ്പെ, ഡെംബലെ, ഒലീസെ എന്നിവരടങ്ങുന്ന ആക്രമണ നിരയുടെ കരുത്തും ടൂർണമെന്റിലുടനീളം പ്രതിരോധനിര കാഴ്ചവെക്കുന്ന മികച്ച പ്രകടനവും ഫ്രാൻസിനെ കൂടുതൽ അപകടകാരികളാക്കുന്നുണ്ട്. അതേസമയം യുവതാരം ലാമിൻ യമാലിന്റെ മാജിക് സ്പെയിനിന് വലിയ പ്രതീക്ഷ നൽകുന്ന ഘടകമാണ്. കിലിയൻ എംബാപ്പെയുടെ വേഗതയും സ്പെയിനിന്റെ 19-കാരനായ പ്രതിരോധ താരം കുബാർസിയും തമ്മിലുള്ള പോരാട്ടം മത്സരത്തിന്റെ ഗതി നിർണ്ണയിക്കും. മുൻകാല കണക്കുകളിൽ, പ്രത്യേകിച്ച് യൂറോ കപ്പിലും നേഷൻസ് ലീഗിലും സ്പെയിനിന് ആധിപത്യമുണ്ടെങ്കിലും, ഈ ലോകകപ്പിലെ ആധികാരികമായ പ്രകടനം വെച്ച് നോക്കുമ്പോൾ ഫ്രാൻസ് ഫൈനലിൽ എത്താനുള്ള സാധ്യത കൂടുതലാണ്. സ്‌പെയിനും ഫ്രാൻസും തമ്മിലുള്ള സെമിഫൈനൽ പോരാട്ടത്തിന് മുന്നോടിയായി മാതൃഭൂമി സ്പോർട്സ് പ്രതിനിധികൾ സാധ്യതകൾ വിലയിരുത്തുന്നു.

To advertise here,