കോവിഡ് മാനദണ്ഡങ്ങള് പാലിച്ച് കായിക മത്സരങ്ങള് നടത്തുന്നതിനുള്ള മാര്ഗ്ഗരേഖ കേന്ദ്ര കായിക മന്ത്രാലയം പുറത്തിറക്കി. സ്റ്റേഡിയത്തില് 50 ശതമാനം ആള്ക്കാരെ പ്രവേശിപ്പിക്കാം. കായിക മത്സരത്തിന്റെ വലുപ്പവും രോഗ വ്യാപന സാധ്യതയും കണക്കിലെടുത്ത് മത്സരം ആരംഭിക്കുന്നതിന് 72 മണിക്കൂറിന് ഉള്ളില് കായിക താരങ്ങള്ക്ക് ആര് ടി - പി സി ആര് ടെസ്റ്റ് നടത്തുന്നതിനുള്ള നടപടികള് സ്വീകരിക്കണമെന്നും മാര്ഗ്ഗ രേഖയില് നിര്ദേശിച്ചിട്ടുണ്ട്.
ആര് ടി പി സി ആര് ടെസ്റ്റില് നെഗറ്റീവ് ആകുന്നവരെ മാത്രമേ മത്സരത്തില് പങ്കെടുക്കാന് അനുവദിക്കാവൂ എന്നാണ് മാര്ഗ്ഗരേഖയില് നിര്ദേശിച്ചിരിക്കുന്നത്. കണ്ടെന്മെന്റ് സോണില് നിന്നുള്ള കായിക താരങ്ങള്ക്ക് മത്സരങ്ങളില് പങ്കെടുക്കാന് അനുമതി നല്കരുത്. സ്റ്റേഡിയത്തില് പ്രവേശിക്കുന്നതിന് മുമ്പ് കായിക താരം ഉള്പ്പടെ എല്ലാവര്ക്കും തെര്മല് പരിശോധന നിര്ബന്ധമായിരിക്കും.
സ്റ്റേഡിയത്തില് പ്രവേശിക്കുന്ന കായിക താരങ്ങളെയും അവരോട് ഒപ്പമുള്ളവരെയും നിരീക്ഷിക്കുന്നതിന് കോവിഡ് ടാസ്ക് ഫോഴ്സ് രൂപീകരിക്കണം. കായിക താരത്തിന്റെ യാത്ര ഉള്പ്പടെയുള്ള കാര്യങ്ങളും ടാസ്ക് ഫോഴ്സ് നിരീക്ഷിക്കണം.
Published: 28 Dec 2020, 12:56 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented