ചെന്നൈ: ശതാബ്ദി തീവണ്ടികൾക്ക് വന്ദേഭാരത് കോച്ചുകൾ വരുന്നു. ഇതിനായുള്ള രൂപരേഖ തയ്യാറാക്കിക്കഴിഞ്ഞു. കോച്ചുകളുടെ നിർമാണം ഉടൻ ആരംഭിക്കുമെന്ന് പെരമ്പൂർ ഇന്റഗ്രൽ കോച്ച് ഫാക്ടറി(ഐസിഎഫ്) അധികൃതർ പറഞ്ഞു. കോച്ച് നിർമാണത്തിനുള്ള ടെൻഡർ നടപടികൾ പൂർത്തിയായിവരികയാണെന്നും അധികൃതർ അറിയിച്ചു.
വിവിധ റെയിൽവേ വർക്ക്ഷോപ്പുകളിലായി വന്ദേഭാരത് ചെയർകാർ തീവണ്ടിയുടെ 1500 കോച്ചുകൾകൂടി നിർമിക്കാനാണ് ഉദേശിക്കുന്നത്. വന്ദേഭാരത് കോച്ചുകൾ ഘടിപ്പിക്കുമ്പോൾ ശതാബ്ദി എക്സ്പ്രസുകൾക്ക് എൻജിൻ വേണമോയെന്നത് സംബന്ധിച്ച് പിന്നീട് തീരുമാനിക്കുമെന്നും അധികൃതർ അറിയിച്ചു. 720 കോച്ചുകൾ പെരമ്പൂർ ഐസിഎഫിലും ബാക്കി കപൂർത്തല റെയിൽ കോച്ച് ഫാക്ടറിയിലും റായ്ബറേലിയിലെ മോഡേൺ കോച്ച് ഫാക്ടറിയിലുമാണ് നിർമിക്കുക.
88 തീവണ്ടികൾക്ക് ആവശ്യമായ 1500 കോച്ചുകൾ 2030-നകം നിർമിക്കാനാണ് പദ്ധതി. 16 കോച്ചുകളുള്ള ശതാബ്ദി തീവണ്ടികളും 20 കോച്ചുകളുള്ള ശതാബ്ദി വണ്ടികളുമുണ്ട്. വന്ദേഭാരത് ചെയർ കോച്ചുകളുള്ള തീവണ്ടികൾ രാജ്യത്ത് 164 സർവീസുകൾ നടത്തുന്നുണ്ട്.
Content Highlights: Shatabdi Express trains to get modern Vande Bharat coaches. ICF to begin production soon. Upgrade your journey!
Published: 20 Jan 2026, 11:36 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented