തിരുവനന്തപുരം : മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാറിന്റെ രാജിയാവശ്യപ്പെട്ട് ഡൽഹിയിൽ നടക്കുന്ന സമരം ഇന്ത്യയുടെ ചരിത്രത്തിന്റെ ഭാഗമാകുമെന്ന് മുഖ്യമന്ത്രി വി.ഡി. സതീശൻ പറഞ്ഞു. ഡൽഹിയിലെ സമരം ചെയ്യുന്നവർക്കുനേരെ നടക്കുന്ന അറസ്റ്റ് നടപടികളിൽ പ്രതിഷേധിച്ചും ജനാധിപത്യ അവകാശങ്ങൾ സംരക്ഷിക്കണമെന്ന്‌ ആവശ്യപ്പെട്ടും കെ.പി.സി.സി. സംഘടിപ്പിച്ച ജനാധിപത്യസംരക്ഷണസംഗമം ഉദ്ഘാടനം ചെയ്യുകയായിരുന്നു അദ്ദേഹം.

To advertise here,

ഏകാധിപതികൾ എക്കാലവും ഭരണം തുടരാൻ തിരഞ്ഞെടുപ്പ് സംവിധാനങ്ങൾ അട്ടിമറിക്കും. പിന്നീട് പൗരാവകാശങ്ങൾ ഇല്ലാതാക്കും. അതാണ് ഇന്ത്യയിൽ ബി.ജെ.പി.യുടെ നേതൃത്വത്തിൽ നടക്കുന്നത്. ഫാസിസത്തെയും നാസിസത്തെയും തിരിച്ചറിഞ്ഞാണ് രണ്ടാം ലോകയുദ്ധത്തിൽ മഹാത്മാഗാന്ധിയും ജവാഹർലാൽ നെഹ്‌റുവും ഉൾപ്പെടെയുള്ള സ്വാതന്ത്ര്യസമര നായകർ ബ്രിട്ടനെ പിന്തുണച്ചതെന്നും മുഖ്യമന്ത്രി പറഞ്ഞു. മന്ത്രി സണ്ണി ജോസഫ് അധ്യക്ഷനായി. മന്ത്രിമാരായ രമേശ് ചെന്നിത്തല, പി.കെ. കുഞ്ഞാലിക്കുട്ടി, സി.പി. ജോൺ, മോൻസ് ജോസഫ്, പി.സി. വിഷ്ണുനാഥ്, കെ. മുരളീധരൻ, അനൂപ് ജേക്കബ്, എൻ. ഷംസുദ്ദീൻ തുടങ്ങിയവർ സംസാരിച്ചു.