ഭൂമിക്ക് സമീപത്തുകൂടി കടന്നുപോകുമെങ്കിലും കൂട്ടിയിടിക്കാനുള്ള സാധ്യത പൂജ്യമാണെന്ന് ഏജന്‍സികള്‍ സ്ഥിരീകരിച്ചിട്ടുണ്ട്.
ഭൂമിക്ക് സമീപത്തുകൂടി സുരക്ഷിതമായി കടന്നുപോകാൻ പുതിയതായി കണ്ടെത്തിയ 2026 JH2 എന്ന ഛിന്നഗ്രഹം എത്തുന്നു. മെയ് 18-ന് രാത്രി 21:23 GMT-ന് ഇന്ത്യൻ സമയം 19-ന് പുലർച്ചെ 2.53-ന് ഛിന്നഗ്രഹം ഭൂമിക്ക് ഏറ്റവും അടുത്തെത്തുമെന്നാണ് സ്‌പേസ്.കോം റിപ്പോർട്ട് ചെയ്യുന്നത്. ഈ സമയം ഭൂമിയിൽ നിന്ന് 56,628 മൈൽ (91,135 കിലോമീറ്റർ) അകലെയായിരിക്കും ഇത്. ലൈവ് സ്ട്രീം വഴി ഈ ബഹിരാകാശ പ്രതിഭാസം തത്സമയം കാണാൻ സാധിക്കും. വെർച്വൽ ടെലിസ്‌കോപ്പ് പ്രോജക്റ്റ് ആണ് ഇതിനുള്ള സൗകര്യം ഒരുക്കുന്നത്.
യൂറോപ്യൻ സ്‌പേസ് ഏജൻസിയുടെ (ESA) നിഗമനം അനുസരിച്ച് ഈ ഛിന്നഗ്രഹത്തിന് 15 മുതൽ 35 മീറ്റർ വരെ വീതിയുണ്ട്. ഇത് ഏകദേശം ഒരു നീലത്തിമിംഗലത്തിന്റെ വലുപ്പമുള്ളതാണ്. മെയ് 10-ന് അരിസോണയിലെ മൗണ്ട് ലെമ്മൺ സർവേയിലെ ജ്യോതിശാസ്ത്രജ്ഞരാണ് ഛിന്നഗ്രഹത്തെ കണ്ടെത്തിയത്. നൂതന ടെലിസ്‌കോപ്പുകൾക്ക് 2026 JH2-നെ കൃത്യമായി ട്രാക്ക് ചെയ്യാൻ കഴിയും.
ഭൂമിക്ക് സമീപത്തുകൂടി കടന്നുപോകുമെങ്കിലും കൂട്ടിയിടിക്കാനുള്ള സാധ്യത പൂജ്യമാണെന്ന് ഏജൻസികൾ സ്ഥിരീകരിച്ചിട്ടുണ്ട്. ഏകദേശം 25 മീറ്ററിൽ താഴെ വലുപ്പമുള്ള ബഹിരാകാശ ശിലകൾ ഭൂമിയുടെ അന്തരീക്ഷത്തിൽ കത്തിനശിക്കാനും നാശനഷ്ടങ്ങൾ വരുത്താതെ പോകാനും സാധ്യതയുണ്ടെന്നാണ് നാസ വിലയിരുത്തിയിട്ടുള്ളത്.
Content Highlights: Asteroid 2026 JH2 makes a safe close approach to Earth on May 18, 2026., The asteroid will pass within 56,628 miles of Earth., Estimated size is 15-35 meters, comparable to an adult blue whale., Discovery made by the Mount Lemmon Survey on May 10, 2026., NASA confirms zero risk of impact for this space event.
Published: 18 May 2026, 08:38 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented