ഈ ഡൊമെയ്ന് വിലാസം രജിസ്റ്റര്ചെയ്ത ബാങ്കുകള്ക്കുമാത്രമേ അനുവദിക്കൂ. തട്ടിപ്പുകാര്ക്ക് ഈ വിലാസം ഉപയോഗിക്കാനാകില്ല.
പ്രതീകാത്മകചിത്രം | നിര്മിതബുദ്ധിയുടെ സഹായത്തോടെ സൃഷ്ടിച്ചത്.
മുംബൈ: ഇന്ത്യയില്നിന്നുള്ള ബാങ്കുകളെ ഉപഭോക്താക്കള്ക്ക് എളുപ്പത്തില് തിരിച്ചറിയാനും ഓണ്ലൈന് സംവിധാനത്തില് സുരക്ഷ ഉറപ്പാക്കാനും ലക്ഷ്യമിട്ട് ബാങ്കുകള്ക്ക് പുതിയ വെബ് വിലാസം നടപ്പായി. ഡോട്ട് ബാങ്ക് ഡോട്ട് ഇന് (.bank.in) എന്ന് അവസാനിക്കുന്ന വെബ് വിലാസമാകും ഇനിമുതല് ബാങ്കുകള്ക്കുണ്ടാകുക.
ബാങ്കുകളുടെ പേരില് അക്ഷരങ്ങള് മാറ്റി വ്യാജ വെബ്സൈറ്റുകളുണ്ടാക്കി തട്ടിപ്പുകള് നടത്തുന്നതു തടയാന് ലക്ഷ്യമിട്ടാണ് ആര്ബിഐ പുതിയ ഡൊമെയ്ന് സംവിധാനം നടപ്പാക്കിയിരിക്കുന്നത്. നവംബര് ഒന്നിനു മുന്പായി ഇതു നടപ്പാക്കാന് ബാങ്കുകള്ക്ക് ആര്ബിഐ നിര്ദേശം നല്കിയിരുന്നു.
ഡോട്ട് ബാങ്ക് ഡോട്ട് ഇന് എന്ന് അവസാനിക്കുന്ന വെബ് വിലാസം നോക്കി ഉപഭോക്താക്കള്ക്ക് ബാങ്കുകളുടെ യഥാര്ഥ വെബ്സൈറ്റുകള് തിരിച്ചറിയാനാകുമെന്നതാണ് ഇതിന്റെ പ്രത്യേകത. ഈ ഡൊമെയ്ന് വിലാസം രജിസ്റ്റര്ചെയ്ത ബാങ്കുകള്ക്കുമാത്രമേ അനുവദിക്കൂ. മുന്പ് ഉപയോഗിച്ചിരുന്ന വെബ് വിലാസം നല്കിയാല് പുതിയ വിലാസത്തിലേക്കു മാറുന്നെന്ന സന്ദേശം കാണിച്ചശേഷം തനിയെ പുതിയ വിലാസത്തിലേക്കു മാറുന്നതായിരിക്കും.
ഇതേ രീതിയില് ബാങ്കിതര ധനകാര്യ സ്ഥാപനങ്ങളും (എന്ബിഎഫ്സി) മാറും. ഇതിനു സമയക്രമമായിട്ടില്ല. എന്ബിഎഫ്സികള്ക്ക് ഡോട്ട് ഫിന് ഡോട്ട് ഇന് (.fin.in) എന്ന രീതിയിലവസാനിക്കുന്ന വെബ് വിലാസമാണ് നിര്ദേശിച്ചിട്ടുള്ളത്. ഐഡിആര്ബിടി എന്ന സ്ഥാപനത്തിനാണ് ഈ വിലാസങ്ങളുടെ ചുമതല. ഇവിടെനിന്നുള്ള അനുമതിക്കുശേഷമേ ഈ ഡൊമെയ്നുകള് ലഭിക്കൂ. അതുകൊണ്ട് തട്ടിപ്പുകാര്ക്ക് ഈ വിലാസം ഉപയോഗിക്കാനാകില്ല.
Content Highlights: India`s banks now have a new web address: .bank.in. Learn how this RBI initiative enhances online security, prevents fraud, and helps you identify genuine bank websites.
Published: 01 Nov 2025, 08:14 am IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented