മുംബൈ: പെട്രോളിയം ഉത്പന്നങ്ങളെ മറികടന്ന് ഇന്ത്യയില്നിന്ന് ഏറ്റവുമധികം കയറ്റുമതിചെയ്യുന്ന ഉത്പന്നമായി സ്മാര്ട്ട്ഫോണ്. സര്ക്കാരിന്റെ പുതിയ കണക്കുകളിലാണ് 2024-'25 സാമ്പത്തികവര്ഷം ഇന്ത്യയില്നിന്നുള്ള കയറ്റുമതിയില് സ്മാര്ട്ട്ഫോണ് മുന്നിലെത്തിയത്. ആപ്പിള്, സാംസങ് കമ്പനികളുടെ കയറ്റുമതിയില് 55 ശതമാനം വര്ധനയാണ് കഴിഞ്ഞ സാമ്പത്തികവര്ഷം രേഖപ്പെടുത്തിയത്. ആകെ 2,414 കോടി ഡോളറിന്റെ സ്മാര്ട്ട്ഫോണുകള് കയറ്റി അയച്ചു. 2023-24-ല് ഇത് 1,557 കോടി ഡോളറും 2022-23-ല് 1,096 കോടി ഡോളറുമായിരുന്നു.
സര്ക്കാര് കണക്കുകള് പ്രകാരം കഴിഞ്ഞ മൂന്നുവര്ഷത്തിനിടെ അമേരിക്കയിലേക്കും ജപ്പാനിലേക്കുമാണ് സ്മാര്ട്ട്ഫോണ് കയറ്റുമതി ഗണ്യമായി കൂടിയത്. അമേരിക്കയിലേക്കുള്ള കയറ്റുമതി 2022-23-ല് 216 കോടി ഡോളറായിരുന്നത് 2024-25-ല് 1,060 കോടി ഡോളറായി ഉയര്ന്നു. അഞ്ചുമടങ്ങാണ് വര്ധന. ജപ്പാനിലേക്കുള്ളത് ഇതേകാലയളവില് 12 കോടി ഡോളറില്നിന്ന് 52 കോടി ഡോളറായി ഉയര്ന്നു. കേന്ദ്രസര്ക്കാരിന്റെ ഉത്പാദന അനുബന്ധ പദ്ധതിയാണ് ഈ മുന്നേറ്റത്തിനു പിന്നില്.
കൗണ്ടര്പോയിന്റ് റിസര്ച്ച് എന്ന അനാലിസിസ് കമ്പനിയുടെ കണക്കനുസരിച്ച് ഇന്ത്യയില്നിന്നുള്ള സ്മാര്ട്ട് ഫോണ് കയറ്റുമതിയുടെ 94 ശതമാനവും ആപ്പിളും സാംസങ്ങും ചേര്ന്നാണ്. 2025 ജനുവരി-മാര്ച്ച് കാലത്ത് 30 ലക്ഷം ഐഫോണുകള് ഇന്ത്യയില്നിന്ന് കയറ്റി അയച്ചതായി ഐഡിസി റിപ്പോര്ട്ട് സൂചിപ്പിക്കുന്നു. ഇതില് കൂടുതലും ഐഫോണ് 16 ആയിരുന്നു.
Content Highlights: India`s smartphone exports soared to $2414 crore in 2024-25, exceeding petroleum products.
Published: 20 May 2025, 08:52 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented