ഗൂഗിള്‍ ട്രാന്‍സ്ലേറ്റിന്റെ വെബ് പതിപ്പില്‍ ഇനി ചിത്രങ്ങളിലെ എഴുത്തും മൊഴിമാറ്റം ചെയ്യാം. ഇതിനായി ഗൂഗിള്‍ ട്രാന്‍സ്ലേറ്റ് വെബ്ബില്‍ ടെക്സ്റ്റ്, ഡോക്യുമെന്റ്, വെബ്‌സൈറ്റ് ഓപ്ഷനുകള്‍ക്കൊപ്പം പുതിയ ഇമേജ് ടാബ് ഉള്‍പ്പെടുത്തി.
ഇമേജ് ടാബില്‍ ക്ലിക്ക് ചെയ്തതിന് ശേഷം ജെപിജി, ജെപിഇജി, പിഎന്‍ജി ഫോര്‍മാറ്റുകളിലുള്ള ചിത്രങ്ങള്‍ അപ് ലോഡ് ചെയ്യാം.
അപ് ലോഡ് ചെയ്ത ഉടന്‍ തന്നെ ചിത്രത്തിലുള്ള എഴുത്തിലെ ഭാഷ പെട്ടെന്ന് തന്നെ ഗൂഗിള്‍ ട്രാന്‍സ് ലേറ്റ് തിരിച്ചറിയുകയും മൊഴിമാറ്റം ചെയ്യുകയും ചെയ്യും. 132 ഭാഷകള്‍ ലഭ്യമാണ്.
നിലവില്‍ ഗൂഗിള്‍ ലെന്‍സ് ആപ്പ് ഉപയോഗിച്ച് ചിത്രങ്ങളിലെ എഴുത്തുകള്‍ വിവര്‍ത്തനം ചെയ്യാനുള്ള സൗകര്യം ഗൂഗിള്‍ ഒരുക്കിയിട്ടുണ്ട് ഇതിന് സമാനമായ രീതിയില്‍ തന്നെയാണ് ഗൂഗിള്‍ ട്രാന്‍സ്ലേറ്റ് വെബ്ബിലെ പുതിയ സൗകര്യം. ഗൂഗിള്‍ ലെന്‍സില്‍ ഉപയോഗിച്ച ജെനറേറ്റീവ് അഡ്വേഴ്‌സറിയല്‍ നെറ്റ് വര്‍ക്ക് എന്ന ജിഎഎന്‍ സാങ്കേതിക വിദ്യയാണ് ഇതിലും ഉപയോഗിച്ചിരിക്കുന്നത്.
അപ്ലോഡ് ചെയ്യുന്ന ചിത്രത്തിലെ എഴുത്തിന്റെ അതേ സ്ഥാനത്ത് തന്നെയാണ് വിവര്‍ത്തനം ചെയ്ത എഴുത്തും കാണുക. ഭാഷമാറ്റിയ ചിത്രം ഡൗണ്‍ലോഡ് ചെയ്‌തെടുക്കാനും അല്ലെങ്കില്‍ ചിത്രത്തിലെ എഴുത്ത് മാത്രം കോപ്പി ചെയ്‌തെടുക്കാനും സാധിക്കും.
Content Highlights: google translate image feature
Published: 09 Mar 2023, 07:47 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented