ഗൂഗിള്‍ ട്രാന്സ്ലേറ്റ് ആപ്പില്‍ പുതിയ എഐ അധിഷ്ടിത ഫോളോ അപ്പ് ക്വസ്റ്റ്യന്‍ ഫീച്ചര്‍ ഉള്‍പ്പെടുത്തിയേക്കുമെന്ന് റിപ്പോര്‍ട്ട്. ഒരിക്കല്‍ തര്‍ജമ ചെയ്ത വിഷയത്തില്‍ തുടര്‍ന്നും മാറ്റങ്ങള്‍ ആവശ്യപ്പെടുന്നതിനും തര്‍ജമ മെച്ചപ്പെടുത്തുന്നതിനും വേണ്ടി ഈ ഫീച്ചര്‍ ഉപയോഗപ്പെടുത്താനാവും. ആന്‍ഡ്രോയിഡ് അതോറിറ്റി എന്ന വെബ്‌സൈറ്റാണ് ഈ വിവരം പുറത്തുവിട്ടത്. ഗൂഗിള്‍ ട്രാന്‍സിലേറ്റിന്റെ മൊബൈല്‍ ആപ്പ് പ്രോഗ്രാമില്‍ നിന്നാണ് ഈ വിവരം കണ്ടെത്തിയത്.
ഒരു ഉപഭോക്താവ് ഇംഗ്ലീഷില്‍ നിന്ന് മലയാളത്തിലേക്ക് തര്‍ജമ ചെയ്താല്‍ അതുമായി ബന്ധപ്പെട്ട തുടര്‍ ചോദ്യങ്ങള്‍ ചോദിക്കാന്‍ പ്രത്യേകം ബട്ടന്‍ നല്‍കിയിട്ടുണ്ടാവും. നിലവില്‍ ഈ ഫീച്ചര്‍ ഗൂഗിള്‍ ഔദ്യോഗികമായി അവതരിപ്പിച്ചിട്ടില്ല. ഗൂഗിള്‍ ട്രാന്സ്ലേറ്റ് ആപ്പിന്റെ 9.3.78.731229477.7 എന്ന പതിപ്പിലാണ് ഈ എഐ അധിഷ്ടിത ഫോളോ അപ്പ് ക്വസ്റ്റ്യന്‍ ഫീച്ചര്‍ ഉള്‍പ്പെടുത്തിയിരിക്കുന്നത്.
ഇന്ത്യന്‍ ഭാഷകളില്‍ ഈ ഫീച്ചര്‍ ലഭിക്കുമോ എന്നത് സംശയമാണ്. എന്തായാലും ജനറേറ്റീവ് എഐ ഉള്‍പ്പെടുത്തുന്നതോടെ യന്ത്ര തര്‍ജമ കൂടുതല്‍ കൃത്യതയുള്ളതാകും.
Content Highlights: Google Translate app may soon include an AI-powered follow-up question feature
Published: 28 Feb 2025, 08:11 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented