ഇന്ത്യയിലെ ഏറ്റവും വലിയ മൂന്നാമത്തെ ടെലികോം സേവനദാതാവായ ബിഎസ്എൻഎൽ ഉപയോക്താക്കൾക്കായി പ്രത്യേക പ്രീപെയ്ഡ് ഓഫറുകൾ പ്രഖ്യാപിച്ചു. ഈ ഓഫർ പ്രകാരം, തിരഞ്ഞെടുത്ത പ്രീപെയ്ഡ് പ്ലാനുകൾ റീച്ചാർജ് ചെയ്യുന്നവർക്ക് അധിക വാലിഡിറ്റി ലഭിക്കും. സ്വകാര്യ ടെലികോം സേവനദാതാക്കൾ സാധാരണ നൽകാത്ത വിധമുള്ള ഓഫറാണിത്.

To advertise here,

എന്നാൽ ഇതിനൊരു പരിമിതിയുണ്ട്, ബിഎസ്എൻഎലിന്റെ സാധാരണ റീച്ചാർജുകൾ ചെയ്യുന്നവരാണ് നിങ്ങളെങ്കിൽ ഈ ഓഫർ കൊണ്ട് പ്രയോജനമുണ്ടാവില്ല. കാരണം 2399 രൂപയുടെ പ്ലാൻ റീച്ചാർജ് ചെയ്യുന്നവർക്കാണ് ഈ അധിക വാലിഡിറ്റി ലഭിക്കുക.

സാധാരണ നിലയിൽ 2399 രൂപയുടെ പ്ലാനിൽ അൺലിമിറ്റഡ് കോളിങ്, പ്രതിദിനം 100 എസ്എംഎസ്, 2 ജിബി പ്രതിദിന ഡാറ്റ എന്നിവയാണ് ലഭിക്കുക. 365 ദിവസം അതായത് ഒരു വർഷമാണ് ഈ പ്ലാനിന്റെ വാലിഡിറ്റി. എന്നാൽ പുതിയ ഓഫർ അനുസരിച്ച് ഉപയോക്താക്കൾക്ക് 47 ദിവസങ്ങൾ കൂടി അധികമായി വാലിഡിറ്റി ലഭിക്കും. ഇതുവഴി ഈ പ്രീപെയ്ഡ് റീച്ചാർജ് ചെയ്യുന്നവർക്ക് ആകെ 412 ദിവസങ്ങൾ തടസമില്ലാത്ത സേവനം ഉപയോഗിക്കാം.

പരിമിതകാല ഓഫർ മാത്രമാണിത്, ഓഗസ്റ്റ് 12 മുതൽ സെപ്റ്റംബർ 12 വരെ മാത്രമേ ഈ ആനുകൂല്യം ലഭിക്കൂ. സ്വാതന്ത്ര്യദിനത്തോട് അനുബന്ധിച്ചാണ് ബിഎസ്എൻഎൽ ഈ ഓഫർ അവതരിപ്പിച്ചത്. ബിഎസ്എൻഎൽ വെബ്സൈറ്റ് വഴിയും, ബിഎസ്എൻഎൽ സെൽഫ് കെയർ ആപ്പ് വഴിയും ഈ റീച്ചാർജ് ചെയ്യാം.