കൊറിയ ഓപ്പണ് 500 ബാഡ്മിന്റണ് സൂപ്പര് സീരീസ് വിജയത്തിനു പിന്നാലെ ലോക റാങ്കിങ്ങില് രണ്ടാം സ്ഥാനത്തേക്ക് കുതിച്ച് ഇന്ത്യയുടെ സാത്വിക് സായ്രാജ് രങ്കിറെഡ്ഡി-ചിരാഗ് ഷെട്ടി സഖ്യം. ചൊവ്വാഴ്ച പുറത്തുവന്ന ഏറ്റവും പുതിയ റാങ്കിങ്ങിലാണ് ഇരുവരും രണ്ടാം സ്ഥാനത്തെത്തിയത്. ഈ സഖ്യത്തിന്റെ കരിയറിലെ ഏറ്റവും മികച്ച റാങ്കിങ്ങാണിത്.
ചൈനീസ് ജോഡികളായ ലിയാങ് വെയ് കെങ് - വാങ് ചാങ് സഖ്യത്തെ മറികടന്നാണ് ഇന്ത്യന് സഖ്യം രണ്ടാം റാങ്കിലെത്തിയത്. നേരത്തേ കൊറിയ ഓപ്പണ് സെമിയില് ഈ സഖ്യത്തെ പരാജയപ്പെടുത്തിയാണ് സാത്വിക് സായ്രാജും ചിരാഗ് ഷെട്ടിയും ഫൈനലിലേക്ക് മുന്നേറിയത്.
ഈ സീസണില് കൊറിയ ഓപ്പണ് (സൂപ്പര് 500), സ്വിസ് ഓപ്പണ് (സൂപ്പര് 300), ഇന്ഡൊനീഷ്യ ഓപ്പണ് (സൂപ്പര് 1000) കിരീടങ്ങള് നേടിയ ഇന്ത്യന് സഖ്യത്തിന് നിലവില് 87,211 പോയിന്റാണുള്ളത്. ഈ വര്ഷത്തെ നാലാമത്തെ ഫൈനല് കളിച്ച സാത്വിക് സായ്രാജ് - ചിരാഗ് ഷെട്ടി സഖ്യം ഇക്കഴിഞ്ഞ കൊറിയ ഓപ്പണില് ലോക ഒന്നാം നമ്പറുകാരായ ഇന്ഡൊനീഷ്യയുടെ ഫജര് അല്ഫിയാന്-മുഹമ്മദ് റിയാന് അര്ഡിയാന്റോ സഖ്യത്തെ തോല്പ്പിച്ച് കിരീടമുയര്ത്തിയിരുന്നു.
അതേസമയം ഇന്ത്യയുടെ ഒളിമ്പിക് മെഡല് ജേതാവ് പി.വി സിന്ധു സിംഗിള്സ് റാങ്കിങ്ങില് 17-ാം സ്ഥാനം നിലനിര്ത്തി. സൈന നേവാള് 37-ാം സ്ഥാനത്താണ്. പുരുഷ സിംഗിള്സ് റാങ്കിങ്ങില് 10-ാം സ്ഥാനത്തുള്ള എച്ച്.എസ് പ്രണോയിയാണ് റാങ്കിങ്ങില് മുന്നിലുള്ള ഇന്ത്യന് താരം. ലക്ഷ്യ സെന് 13-ാം സ്ഥാനത്തും കിഡംബി ശ്രീകാന്ത് 20-ാം സ്ഥാനത്തുമാണ്.
Content Highlights: Satwiksairaj Rankireddy-Chirag Shetty Pair Achieves Career-Best World No 2 Ranking
Published: 25 Jul 2023, 11:43 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented