ലണ്ടന്: സെര്ബിയന് സൂപ്പര്താരം നൊവാക് ജോക്കോവിച്ച് 2023 വിംബിള്ഡണ് പുരുഷ സിംഗിള്സ് ഫൈനലില് പ്രവേശിച്ചു. സെമിയില് ഇറ്റാലിയന് താരം ജാന്നിക് സിന്നറിനെ പരാജയപ്പെടുത്തിയാണ് ജോക്കോയുടെ ഫൈനല് പ്രവേശം. നേരിട്ടുള്ള സെറ്റുകള്ക്കാണ് താരത്തിന്റെ വിജയം. 24-ാം ഗ്രാന്ഡ്സ്ലാമും എട്ടാം വിംബിള്ഡണ് കിരീടവും മോഹിച്ചാണ് ജോക്കോവിച്ച് കലാശപ്പോരില് റാക്കറ്റേന്തുക.സ്കോര്: 3-6,4-6,6-7(4-7)
ആദ്യ സെറ്റില് തന്നെ ജാന്നിക് സിന്നറിനെതിരേ തകര്പ്പന് പ്രകടനമാണ് ജോക്കോ കാഴ്ചവെച്ചത്. സിന്നറിന്റെ സര്വ്വ് ഭേദിച്ച് മുന്നേറിയ സെര്ബിയന് താരം 6-3 ന് സെറ്റ് സ്വന്തമാക്കി. രണ്ടാം സെറ്റിലും ജോക്കോവിച്ചിന്റെ മുന്നേറ്റം തന്നെയാണ് സെന്റര് കോര്ട്ടില് നിറഞ്ഞുനിന്നത്. 6-4 ന് രണ്ടാം സെറ്റ് ജോക്കോ നേടി.
എന്നാല് മൂന്നാം സെറ്റില് ഇറ്റാലിയന് താരം കടുത്ത വെല്ലുവിളി ഉയര്ത്തി. ജോക്കോയ്ക്കെതിരേ പോരാടിയ സിന്നര് സെറ്റ് 6-6 ലെത്തിച്ചു. ടൈബ്രേക്കറിലേക്ക് നീണ്ടതോടെ മൂന്നാം സെറ്റ് ആവേശകരമായി. ടൈ ബ്രേക്കറിലും തുടക്കത്തില് സിന്നറായിരുന്നു മുന്നിട്ടുനിന്നത്. എന്നാല് ജോക്കോ പരിചയസമ്പത്തോടെ റാക്കറ്റേന്തിയതോടെ ഇറ്റാലിയന് താരത്തിന് പിടിച്ചുനില്ക്കാനായില്ല. മൂന്നാം സെറ്റും മത്സരവും കലാശപ്പോരിലേക്കുള്ള ടിക്കറ്റും ജോക്കോ സ്വന്തമാക്കി.
കാര്ലോസ് അല്ക്കാരസ്-ഡാനിയേല് മെദ്വദേവ് എന്നിവര് തമ്മിലുള്ള രണ്ടാം സെമിയിലെ വിജയിയേയാണ് ജോക്കോ കലാശപ്പോരില് നേരിടുക. ഞായറാഴ്ചയാണ് ഫൈനല്. 24-ാം ഗ്രാന്ഡ്സ്ലാം ലക്ഷ്യമിട്ടാണ് ജോക്കോ കലാശപ്പോരിനിറങ്ങുക. നേരത്തേ ഫ്രഞ്ച് ഓപ്പണില് മുത്തമിട്ടതോടെ ഏറ്റവും കൂടുതല് ഗ്രാന്ഡ്സ്ലാം നേടുന്ന പുരുഷതാരമായി ജോക്കോ മാറിയിരുന്നു. ഒരു ഗ്രാന്ഡ്സ്ലാം കൂടി നേടാനായാല് ടെന്നീസ് ചരിത്രത്തില് ഏറ്റവും കൂടുതല് തവണ ഗ്ലാന്ഡ്സ്ലാം നേടിയ മാര്ഗരറ്റ് കോര്ട്ടിന്റെ റെക്കോഡിനൊപ്പം ജോക്കോയ്ക്കെത്താനാകും.
Content Highlights: Novak Djokovic beats Jannik Sinner 2023 wimbledon semi final
Published: 14 Jul 2023, 09:18 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented