മെല്‍ബണ്‍: ഓസ്‌ട്രേലിയന്‍ ഓപ്പണില്‍ മുന്‍ ചാമ്പ്യന്‍ വീനസ് വില്യംസിനെ അട്ടിമറിച്ച് നാട്ടുകാരി കൊകൊ ഗാഫ്. കഴിഞ്ഞ വിമ്പിള്‍ഡനിലെ അട്ടിമറിയുടെ തനിയാവര്‍ത്തനമെന്നോണമായിരുന്നു പതിനഞ്ചുകാരിയായ കൊകൊയുടെ പ്രകടനം (7-6, 6-3). ആദ്യ സെറ്റില്‍ മാത്രമാണ് വീനസിന് ഭേദപ്പെട്ട പ്രകടനം പുറത്തെടുക്കാനായത്.
അതേസമയം ആദ്യദിനം മുന്‍നിര താരങ്ങള്‍ ജയത്തോടെ തുടങ്ങി. പുരുഷവിഭാഗത്തില്‍, നിലവിലെ ചാമ്പ്യനും രണ്ടാം സീഡുമായ സെര്‍ബിയന്‍ താരം നൊവാക് ജോക്കോവിച്ച് ജര്‍മനിയുടെ യാന്‍ ലെന്നാര്‍ഡ് സ്ട്രഫിനെ തോല്‍പ്പിച്ചു (7-6, 6-2, 2-6, 6-1).
വനിതകളില്‍ നിലവിലെ ജേതാവായ ജപ്പാന്റെ നവോമി ഒസാക്ക ചെക്ക് റിപ്പബ്ലിക്കിന്റെ മരീ ബൗസ്‌കോവയെ തോല്‍പ്പിച്ചു (6-2, 6-4).
വനിതകളിലെ ഒന്നാം സീഡ്, ഓസ്ട്രേലിയയുടെ ആഷ്ലി ബാര്‍ട്ടി യുക്രൈനിന്റെ ലെസിയ സുരെന്‍കോയെയും (5-7, 6-1, 6-1) അമേരിക്കയുടെ സെറീന വില്യംസ് റഷ്യയുടെ അനസ്താസ്യയെയും (6-0, 6-3) തോല്‍പ്പിച്ചു. പുരുഷവിഭാഗത്തില്‍ റോജര്‍ ഫെഡറര്‍ ആദ്യ മത്സരത്തില്‍ അമേരിക്കയുടെ സ്റ്റീവ് ജോണ്‍സണെ (6-3, 6-2, 6-2) മറികടന്ന് രണ്ടാം റൗണ്ടിലേക്ക് മുന്നേറി.
Content Highlights: Australian Open Coco Gauff beat Venus Williams for the second time in a year
Published: 21 Jan 2020, 07:12 am IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented