ഓസ്റ്റിൻ: യുഎസ് ഗ്രാൻപ്രി ഫോർമുല വൺ യോഗ്യതാ മത്സരത്തിൽ പോൾ പൊസിഷൻ സ്വന്തമാക്കി മെഴ്‌സിഡസിന്റെ കൗമാരതാരം കിമി അന്റോനെല്ലി. കരിയറിലെ ആദ്യ ലോക ചാമ്പ്യൻഷിപ്പ് കിരീടം കണ്ണുവെക്കുന്ന അന്റോനെല്ലി, 1 മിനിറ്റ് 34.035 സെക്കൻഡിൽ ലാപ്പ് പൂർത്തിയാക്കിയാണ് ഒന്നാമതെത്തിയത്. റെഡ് ബുളിന്റെ മാക്‌സ് വെർസ്റ്റാപ്പൻ രണ്ടാമതും (0.179 സെക്കൻഡ് വ്യത്യാസത്തിൽ) ഐസക് ഹദ്ജാർ മൂന്നാമതുമെത്തി. ഫ്രീ പ്രാക്ടീസിൽ ആധിപത്യം പുലർത്തിയിരുന്ന ഫെറാറി ടീമിന് ക്വാളിഫയിംഗിൽ തിരിച്ചടി നേരിട്ടു. അവസാന റൗണ്ടായ 'ക്യു 3'-ൽ അവർക്ക് കാര്യങ്ങൾ പ്രതീക്ഷിച്ചതുപോലെയായിരുന്നില്ല. ട്രാക്കിൽ പെട്ടെന്നുണ്ടായ ശക്തമായ കാറ്റും ടയറുകളുടെ താപനില ക്രമീകരിക്കുന്നതിലുണ്ടായ പാളിച്ചകളും ഫെറാറി ഡ്രൈവർമാർക്ക് തിരിച്ചടിയായി. ചാൾസ് ലെക്ലർക്ക് നാലാമതും ലൂയിസ് ഹാമിൽട്ടൺ അഞ്ചാമതുമായാണ് മത്സരം അവസാനിപ്പിച്ചത്.

To advertise here,

ട്രാക്ക് ലിമിറ്റ് ലംഘിച്ചതിനെ തുടർന്ന് വേഗമേറിയ ലാപ്പ് സമയം റദ്ദാക്കപ്പെട്ടതോടെ മക്ലാറന്റെ ലാൻഡോ നോറിസ് എട്ടാം സ്ഥാനത്തേക്ക് പിന്തള്ളപ്പെട്ടു. ഏഴാം സ്ഥാനത്ത് ഓസ്‌കാർ പിയാസ്ട്രിയാണ്. ഞായറാഴ്ചത്തെ ഫൈനൽ റേസിൽ വിജയിച്ചാൽ അന്റോനെല്ലിക്ക് ചാമ്പ്യൻഷിപ്പ് കിരീടം ഉറപ്പിക്കാനാകും. അന്റോനെല്ലിക്ക് ഇപ്പോൾ 340 പോയിന്റുണ്ട്. രണ്ടാം സ്ഥാനത്തുള്ള ടീമംഗം ജോർജ് റസ്സലിന് 238 പോയിന്റാണുള്ളത്. ഫെരാരിയുടെ ലൂയി ഹാമിൽട്ടനാണ് 229 പോയിന്റുമായി മൂന്നാമത്.