
മുംബൈ: കോവിഡ് വ്യാപനത്തെ തുടർന്ന് നിശ്ചലമായ കളിക്കളങ്ങൾക്ക് ഊർജ്ജമേകി സ്പോർട്സ് ബ്രാൻഡായ നൈക്കിയുടെ പരസ്യം. കായികലോകത്തിന്റെ പ്രതീക്ഷകളാണ് നൈക്കി ഈ പരസ്യത്തിലൂടെ പങ്കുവെയ്ക്കുന്നത്. ലോകത്തിന്റെ വിവിധ ഭാഗങ്ങളിൽ നിന്നുള്ള കായിക മത്സരങ്ങളും ആ മത്സരങ്ങളിലെ പ്രത്യേക നിമിഷങ്ങളും കൂട്ടിയിണിക്കിയാണ് പരസ്യം തയ്യാറാക്കിയിരിക്കുന്നത്.
4000 കായിക മുഹൂർത്തങ്ങളിൽ നിന്ന് 72 എണ്ണം തിരഞ്ഞെടുത്ത്അവ 36 ഷോട്ടുകളാക്കി സ്പ്ലിറ്റ് സ്ക്രീൻ ഉപയോഗിച്ച്കൂട്ടിച്ചേർത്തിരിക്കുകയാണ്. സ്ക്രീനിൽ ഒരേ സമയം രണ്ടു വ്യത്യസ്തമായ കായിക മുഹൂർത്തങ്ങൾ മിന്നിമറയുന്നു. അമേരിക്കയുടെ വനിതാ ഫുട്ബോൾ താരം മേഗൻ റാപ്പിനോയാണ് പരസ്യത്തിന് ശബ്ദം നൽകിയിരിക്കുന്നത്.നൈക്കിയുടെ ക്രിയേറ്റീവ് ഏജൻസി ആയ വീഡെൻ+കെന്നഡി പോർട്ട്ലാൻഡ് ആണ് ഈ പരസ്യത്തിന് പിന്നിൽ.
ഈ പരസ്യം പുറത്തിറങ്ങിയതിന് പിന്നാലെ നിരവധി പേരാണ് സോഷ്യൽ മീഡിയയിൽ പങ്കുവെച്ചത്. 'നിങ്ങൾക്ക് ഞങ്ങളെ തടയാനാകില്ല' എന്ന ഹാഷ്ടാഗോടെ ട്വിറ്ററിൽ പങ്കുവെച്ച പരസ്യം ഒരു ദിവസത്തിനുള്ളിൽ 13 മില്ല്യണിൽ അധികം ആളുകൾ കണ്ടു. ഒരു മിനിറ്റ് 30 സെക്കന്റാണ് പരസ്യത്തിന്റെ ദൈർഘ്യം.
Content Highlights: Nike Viral Ad Yiu Cant Stop Sport Covid Pandemic struggle hopes Fight
Published: 01 Aug 2020, 12:05 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented