മാഡ്രിഡ്: ചാമ്പ്യൻസ് ലീഗ് ഫുട്ബോളിനെ ആശങ്കയിലാഴ്ത്തി സ്പാനിഷ് ക്ലബ്ബ് അത്ലറ്റിക്കോ മാഡ്രിഡിന്റെ രണ്ടു താരങ്ങൾക്ക് കോവിഡ്-19 സ്ഥിരീകരിച്ചു. ലിസ്ബണിൽ നടക്കുന്ന ചാമ്പ്യൻസ് ലീഗ് ക്വാർട്ടർ ഫൈനലിൽ ആർബി ലെപ്സിഗിനെ നേരിടാനൊരുങ്ങുന്നതിനിടയിലാണ് അത്ലറ്റിക്കോ താരങ്ങൾക്ക് കോവിഡ് സ്ഥിരീകരിച്ചത്. ഇന്ത്യൻ സമയം വെള്ളിയാഴ്ച്ച പുലർച്ചെ 12.30നാണ് ഈ മത്സരം.
ശനിയാഴ്ച്ച നടത്തിയ പരിശോധനയിലാണ് രണ്ടു താരങ്ങൾ കൊറോണ പോസിറ്റീവായത്. എന്നാൽ ഇരുവരുടേയും പേരുകൾ ക്ലബ്ബ് പുറത്തുവിട്ടിട്ടില്ല. രണ്ടുപേരും ഹോം ക്വാറന്റീനിൽ പ്രവേശിച്ചുവെന്ന് വാർത്താ കുറിപ്പിലൂടെ അത്ലറ്റിക്കോ മാഡ്രിഡ് അറിയിച്ചു.
വ്യാഴാഴ്ച്ച പുലർച്ചെ നടക്കുന്ന പി.എസ്.ജി-അറ്റ്ലാന്റെ മത്സരത്തോടെയാണ് ചാമ്പ്യൻസ് ലീഗ് ക്വാർട്ടർ മത്സരങ്ങൾ തുടങ്ങുക. മറ്റു മത്സരങ്ങളിൽ ബാഴ്സലോണ ബയേൺ മ്യൂണിക്കിനേയും മാഞ്ചസ്റ്റർ സിറ്റി ലിയോണിനേയും നേരിടും.
പ്രീ ക്വാർട്ടറിൽ ലിവർപൂളിനെ തോൽപ്പിച്ചാണ് അത്ലറ്റിക്കോ ക്വാർട്ടറിലെത്തിയത്. ഇരുപാദങ്ങളിലുമായി 4-2 നായിരുന്നു അത്ലറ്റിക്കോയുടെ വിജയം. ജൂലൈ 19-ന് ശേഷം അത്ലറ്റിക്കോ മാഡ്രിഡ് ഫുട്ബോൾ മത്സരങ്ങൾ കളിച്ചിട്ടില്ല. ലാ ലിഗയിൽ റയൽ സൊസൈദാദുമായിട്ടാണ് അവർ അവസാനമായി കളിച്ചത്. അതുകൊണ്ടു കൂടുതൽ ആശങ്കപ്പെടേണ്ടെന്നാണ് പുറത്തുവരുന്ന റിപ്പോർട്ട്.
Content Highlights: Atletico Madrid in Champions League, two players test positive for corona virus
Published: 10 Aug 2020, 04:25 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented