ദെഹ്റാദൂണ്: പര്വതങ്ങളുടെയും ദേവാലയങ്ങളുടെയും നാട്ടില് ഇനി 18 ദിവസം കായിക മാമാങ്കം. 38-ാം ദേശീയ ഗെയിംസിന് ഉത്തരാഖണ്ഡില് ചൊവ്വാഴ്ച തിരിതെളിയും. ദെഹ്റാദൂണിലെ രാജീവ് ഗാന്ധി ക്രിക്കറ്റ് സ്റ്റേഡിയത്തില് പ്രധാനമന്ത്രി നരേന്ദ്ര മോദി വൈകിട്ട് ഔദ്യോഗിക ഉദ്ഘാടനം നിര്വഹിക്കും.
തുടര്ന്ന് ഔദ്യോഗിക ദീപം തെളിയിക്കും. മത്സരങ്ങള്ക്ക് 26-നു തന്നെ തുടക്കമായിരുന്നു. ട്രയാത്ത്ലണ് മത്സരങ്ങളാണ് ആദ്യം നടന്നത്. ഗെയിംസിലെ ആദ്യ സ്വര്ണവും വെള്ളിയും വനിതാ ട്രയാത്ത്ലണില് മഹാരാഷ്ട്ര സ്വന്തമാക്കി.
കേരളത്തിന് നിരാശ
ട്രയാത്ത്ലണില് കേരളത്തിനു വേണ്ടി ഇറങ്ങിയ കെ. മുഹമ്മദ് റോഷന് പത്താമതും ശ്രീ ദത്ത് സുധീര് പതിമൂന്നാമതുമായും ഫിനിഷ് ചെയ്തു. വനിതകളില് എസ്. ഹരിപ്രിയ പത്താമതും എസ്. സാന്ദ്രജ പതിനാലാമതുമായി.
സെബാസ്റ്റ്യന് സേവ്യര് നയിക്കും; ജീന പതാകയേന്തും
മുന് നീന്തല് താരവും ഒളിമ്പ്യനുമായ സെബാസ്റ്റ്യന് സേവ്യര് ഉദ്ഘാടനച്ചടങ്ങില് മാര്ച്ച് പാസ്റ്റില് കേരള സംഘത്തെ നയിക്കും. മുതിര്ന്ന ബാസ്കറ്റ് ബോള് താരം ജീന സ്കറിയ പതാകയേന്തും. നിലവിലെ സ്വര്ണ മെഡല് ജേതാക്കളായ കേരള ബാസ്കറ്റ് ബോള് ടീം തിങ്കളാഴ്ച ഗെയിംസ് നഗരിയില് പരിശീലനം നടത്തി.
Content Highlights: The 38th National Games kick off in Dehradun, Uttarakhand on Feb 27th
Published: 27 Jan 2025, 02:54 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented