ന്യൂഡല്‍ഹി: ഏകദിന ക്രിക്കറ്റില്‍ പാകിസ്ഥാന്റെ ബാബര്‍ അസമിനെ മറികടന്ന് ഐസിസി റാങ്കിങില്‍ ഒന്നാമനായി ഇന്ത്യയുടെ ശുഭ്മാന്‍ ഗില്‍. ബൗളര്‍മാരില്‍ മുഹമ്മദ് സിറാജ് ഒന്നാം റാങ്ക് തിരിച്ചുപിടിച്ചു.
വിരാട് കോലിയെ പിന്തള്ളി 2021 ഏപ്രില്‍ 14 മുതല്‍ ബാബര്‍ അസമായിരുന്നു ബാറ്റ്‌സ്മാന്മാരില്‍ ഒന്നാം റാങ്കില്‍. നിലവില്‍ ഗില്ലിന് 830 പോയിന്റും, ബാബര്‍ അസമിന് 824 പോയിന്റുമാണുള്ളത്.
കേവലം 41 ഇന്നിങ്സുമായി ഒന്നാം നമ്പര്‍ താരമെന്ന നേട്ടം സ്വന്തമാക്കുന്ന രണ്ടാമത്തെ താരമാണ് ശുഭ്മാന്‍. 38 ഇന്നിങ്സില്‍ ഒന്നാമതെത്തിയ എം.എസ് ധോണിക്കാണ് ഈ റെക്കോഡ്.ക്വിന്റണ്‍ ഡി കോക്ക് ആണ് റാങ്കിങില്‍ മൂന്നാം സ്ഥാനത്തുള്ളത്. വിരാട് കോലി, ഡേവിഡ് വാര്‍ണര്‍ എന്നിവര്‍ യഥാക്രമം നാലും അഞ്ചും സ്ഥാനങ്ങള്‍ നേടി.
കുല്‍ദീപ് യാദവ്, ജസ്പ്രീത് ബുമ്ര, മുഹമ്മദ് ഷമ്മി എന്നിവരും ബൗളര്‍മാരില്‍ ആദ്യ പത്തില്‍ ഇടംനേടി.
Content Highlights: ICC rankings: Shubman Gill, Mohammed Siraj No.1 ODI batter and bowler in the world
Published: 08 Nov 2023, 02:56 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented