തിരുവനന്തപുരം: സൂപ്പർ ലീഗ് കേരളയിൽ നിലവിലെ ചാമ്പ്യന്മാരായ കണ്ണൂർ വാരിയേഴ്സിന് തോൽവി. പെനാൽറ്റി ഷൂട്ടൗട്ടിൽ തിരുവനന്തപുരം കൊമ്പൻസാണ് കണ്ണൂരിനെ തോൽപ്പിച്ചത്. നിശ്ചിത സമയത്ത് ഇരുടീമുകളും ഓരോ ഗോൾ വീതമടിച്ചാണ് സമനിലയിൽ പിരിഞ്ഞത്.
മത്സരത്തിൽ ആദ്യം ഗോളടിച്ചത് തിരുവനന്തപുരമാണ്. 43-ാം മിനിറ്റിൽ മുഹമ്മദ് നിഷാമാണ് വലകുലുക്കിയത്. മധ്യനിരയിൽനിന്ന് അർജുൻ നൽകിയ പ്രതിരോധനിരയെ കീറിമുറിച്ച പാസ് കൃത്യമായി വായിച്ചെടുത്ത മുഹമ്മദ് നിഷാം, നെഞ്ചിൽ പന്ത് നിയന്ത്രിച്ച് പ്രതിരോധതാരങ്ങൾക്ക് പ്രതികരിക്കാൻ അവസരം നൽകാതെ പുറംകാലുകൊണ്ട് വലയിലേക്ക് തിരിച്ചുവിട്ടു. ആദ്യപകുതി ഈ ഗോളിന് കൊമ്പൻസ് മുന്നിട്ടുനിന്നു. രണ്ടാം പകുതിയുടെ അവസാനംവരെ തിരുവനന്തപുരം ഈ ലീഡ് നിലനിർത്തി.
എന്നാൽ, 80-ാം മിനിറ്റിൽ കണ്ണൂർ തിരിച്ചടിച്ചു. ഫ്രഡറിക്കാണ് സ്കോറർ. നിജോ ഗിൽബെർട്ട് നൽകിയ ക്രോസ് ഘാനക്കാരൻ ഫെഡറിക് ഗോളാക്കി മാറ്റി. നിശ്ചിതസമയത്ത് 1-1 ന് മത്സരം അവസാനിച്ചു. അതോടെ പെനാൽറ്റി ഷൂട്ടൗട്ടിലേക്ക് കടന്നു. ഷൂട്ടൗട്ടിൽ ആദ്യ മൂന്ന് കിക്കുകളും കണ്ണൂർ നഷ്ടപ്പെടുത്തിയപ്പോൾ കൊമ്പൻസ് മൂന്ന് കിക്കുകൾ ലക്ഷ്യത്തിലെത്തിച്ചു.
Content Highlights: Thiruvananthapuram Kombans defeated Kannur Warriors
Published: 04 Oct 2026, 10:03 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented