കൊൽക്കത്ത: മലയാളി താരം സഹൽ അബ്ദുസമദ് ഹാട്രിക്കുമായി തിളങ്ങിയ മത്സരത്തിൽ വമ്പൻ ജയത്തോടെ മോഹൻ ബഗാൻ ഡ്യൂറണ്ട് കപ്പ് ഫുട്‌ബോളിന്റെ ക്വാർട്ടർ ഫൈനലിൽ. സി.ഐ.എസ്.എഫിനെയാണ് കീഴടക്കിയത് (6-0). 17, 19, 37 മിനിറ്റുകളിലായിരുന്നു സഹലിന്റെ ഗോളുകൾ. മൻവീർ സിങ് (24), ജെയ്മി മക്‌ലാരൻ (68), ടെക്കാം അഭിഷേക് സിങ് (73) എന്നിവരും ഗോൾ നേടി.
ഗ്രൂപ്പ് എ-യിൽനിന്ന് മൂന്നുമത്സരവും ജയിച്ചാണ് ടീം മുന്നേറിയത്. ഗ്രൂപ്പിലെ ആദ്യ മത്സരത്തിൽ ഈസ്റ്റ് ബംഗാളിനെ എതിരില്ലാത്ത ഒരു ഗോളിനാണ് കീഴടക്കിയത്. രണ്ടാം മത്സരത്തിൽ സൗത്ത് യുണൈറ്റഡ് എഫ്‌സിയെ മോഹൻ ബഗാൻ തകർത്തെറിഞ്ഞു. എതിരില്ലാത്ത എട്ടുഗോളുകൾക്കാണ് ജയം. മത്സരത്തിൽ മൻവീർ സിങ് ഹാട്രിക് നേടി. മൂന്നാം മത്സരത്തിൽ സിഐഎസ്എഫ് പ്രൊട്ടക്ടേഴ്‌സിനെയും തകർത്താണ് ടീം ക്വാർട്ടർ ടിക്കറ്റെടുത്തത്.
Content Highlights: Sahal Abdul Samad scored a brilliant hat-trick in the 17th, 19th, and 37th minutes., Mohun Bagan defeated CISF with a massive 6-0 scoreline
Published: 11 Aug 2026, 05:42 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented