ഫ്‌ളോറിഡ: പിതാവ് ഹോർഹെ മെസ്സിയുടെ അപ്രതീക്ഷിത വിയോഗത്തിനു ശേഷം കളിക്കളത്തിലേക്ക് തിരികെയെത്തി ലയണൽ മെസ്സി. ഓഗസ്റ്റ് എട്ടാം തീയതിയായിരുന്നു മെസ്സിയുടെ പിതാവിന്റെ അന്ത്യം. പിന്നാലെ നാല് ദിവസത്തിനു ശേഷമാണ് മെസ്സി ഇന്റർ മയാമിക്കായി വീണ്ടും കളിക്കളത്തിലേക്ക് തിരിച്ചെത്തിയത്.
ബുധനാഴ്ച ലിയോണിനെതിരേ നടന്ന നിർണായകമായ ലീഗ് കപ്പ് മത്സരത്തിന്റെ രണ്ടാം പകുതിയിലാണ് താരം കളത്തിലെത്തിയത്. മെസ്സി മൈതാനത്തേക്ക് പ്രവേശിച്ചപ്പോൾ സ്‌റ്റേഡിയത്തിലെ കാണികൾ വലിയ കൈയടികളോടെയാണ് സ്വീകരിച്ചത്.
നീണ്ട നാളത്തെ അസുഖത്തെ തുടർന്നായിരുന്നു മെസ്സിയുടെ പിതാവിന്റെ അന്ത്യം. അർജന്റീനയ്ക്കായി മെസ്സി ലോകകപ്പ് കളിക്കുമ്പോൾ അദ്ദേഹം അസുഖബാധിതനായിരുന്നു. റൊസാരിയോയിൽ നടന്ന സംസ്‌കാര ചടങ്ങുകൾക്ക് ശേഷം മെസ്സി ഉടൻ തന്നെ മയാമിയിൽ തിരിച്ചെത്തുകയായിരുന്നു.
എന്നാൽ മെസ്സിയുടെ വരവ് ഇന്റർ മയാമിയെ തോൽവിയിൽ നിന്ന് രക്ഷിച്ചില്ല. രണ്ടിനെതിരേ മൂന്ന് ഗോളുകൾക്ക് ലിയോൺ ഇന്റർ മയാമിയെ കീഴടക്കി. മെസ്സിയുടെ അഭാവത്തിൽ നടന്ന കഴിഞ്ഞ മത്സരത്തിൽ മോണ്ടെറിയോടും മയാമി പരാജയപ്പെട്ടിരുന്നു. ഇതോടെ ടീം ടൂർണമെന്റിൽ നിന്ന് പുറത്തായി.
Content Highlights: Lionel Messi returned to action for Inter Miami four days after his father Jorge Messi's passing., Messi came on as a second-half substitute in the crucial Leagues Cup match against Lyon., Despite Messi's return, Inter Miami lost 3-2 to Lyon and exited the tournament.
Published: 13 Aug 2026, 10:54 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented