
കൊച്ചി: ഇന്ത്യൻ സൂപ്പർ ലീഗിൽ (ഐ.എസ്.എൽ.) മുഹമ്മദൻ സ്പോർട്ടിങ് ക്ലബ്ബിനെതിരേ തകർപ്പൻ വിജയവുമായി കേരള ബ്ലാസ്റ്റേഴ്സ്. കൊച്ചി ജവാഹർലാൽ നെഹ്റു സ്റ്റേഡിയത്തിൽ നടന്ന മത്സരത്തിൽ ഒന്നിനെതിരേ മൂന്ന് ഗോളുകൾക്കാണ് മഞ്ഞപ്പടയുടെ ജയം. ഒരു ഗോളിൽ പിന്നിൽ നിന്നശേഷമാണ് ബ്ലാസ്റ്റേഴ്സിന്റെ തിരിച്ചുവരവ്. 89-ാം മിനിറ്റിൽ അമർജിത് സിങ് കിയാം രണ്ടാമത്തെ മഞ്ഞക്കാർഡും ലഭിച്ച് പുറത്തായതോടെ മുഹമ്മദൻ പത്തുപേരായി ചുരുങ്ങി.
ജയത്തോടെ ബ്ലാസ്റ്റേഴ്സ് പോയിന്റ് പട്ടികയിൽ നില മെച്ചപ്പെടുത്തി. 42-ാം മിനിറ്റിൽ ബോക്സിന് 30-40 വാര അകലെനിന്നുതിർത്ത മനോഹരമായ ലോങ് റേഞ്ചറിലൂടെ മഹിതോഷ് റോയ് മുഹമ്മദനെ മുന്നിലെത്തിച്ചു. എന്നാൽ, രണ്ടു മിനിറ്റുകൾക്കകം ബ്ലാസ്റ്റേഴ്സ് തിരിച്ചടിച്ചു. 44-ാം മിനിറ്റിൽ കെവിൻ യോക്കെയുടെ ത്രൂപാസ് സ്വീകരിച്ച് ഫ്രാൻകു ബ്ലാസ്റ്റേഴ്സിനായി സമനിലഗോൾ നേടി. ഇതോടെ ആദ്യ പകുതി 1-1 സമനിലയിലായി.
രണ്ടാംപകുതിയിലെ 59-ാം മിനിറ്റിൽ വിക്ടർ ബെർത്തോമിയോവിലൂടെ ബ്ലാസ്റ്റേഴ്സ് ലീഡ് നേടി. കെവിൻ യോക്കെ നൽകിയ ക്രോസ് ഹെഡറിലൂടെ ബെർത്തോമിയോ വലയിലെത്തിക്കുകയായിരുന്നു. 74-ാം മിനിറ്റിൽ പകരക്കാരനായി വന്ന ശ്രീക്കുട്ടൻ ബ്ലാസ്റ്റേഴ്സിന്റെ മൂന്നാം ഗോളും നേടി. ഫ്രാൻകുവിന്റെ തകർപ്പൻ നീക്കത്തിനൊടുവിൽ ലഭിച്ച ക്രോസ് മാർക്ക് ചെയ്യപ്പെടാതെനിന്ന ശ്രീക്കുട്ടൻ അനായാസം വലയിലാക്കി വിജയം ഉറപ്പിച്ചു.
Published: 10 May 2026, 08:51 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented