കൊച്ചി: ഇന്ത്യന്‍ പ്രതിരോധതാരം പ്രബീര്‍ ദാസിനെ സ്വന്തമാക്കി കേരള ബ്ലാസ്റ്റേഴ്‌സ്. അടുത്ത സീസണില്‍ ബ്ലാസ്റ്റേഴ്‌സിന്റെ പ്രതിരോധത്തിന്റെ ചുമതല പ്രബീര്‍ ദാസ് നിര്‍വഹിക്കും. ബെംഗളൂരു എഫ്.സിയില്‍ നിന്നാണ് താരത്തെ ബ്ലാസ്റ്റേഴ്‌സ് റാഞ്ചിയത്.

To advertise here,

2026 വരെയുള്ള കരാറിലാണ് ബ്ലാസ്റ്റേഴ്‌സ് പ്രബീറിനെ കൊണ്ടുവന്നത്. എഫ്.സി ഗോവ, മോഹന്‍ ബഗാന്‍, ഡല്‍ഹി ഡൈനാമോസ് തുടങ്ങിയ ടീമുകള്‍ക്ക് വേണ്ടി പന്തുതട്ടിയിട്ടുള്ള പ്രബീര്‍ ഫ്രീ ട്രാന്‍സ്ഫറിലാണ് ബ്ലാസ്റ്റേഴ്‌സിലെത്തിയത്. ബംഗാള്‍ സ്വദേശിയായ താരം കഴിഞ്ഞ സീസണില്‍ ബെംഗളൂരുവിനായി മിന്നും പ്രകടനം പുറത്തെടുത്തിരുന്നു. പ്രതിരോധം ഇനി അതിശക്തം എന്ന തലക്കെട്ടോടെയാണ് പ്രബീര്‍ ദാസ് ടീമിലെത്തിയ വിവരം ബ്ലാസ്റ്റേഴ്‌സ് ആരാധകരെ അറിയിച്ചത്. താരം 33-ാം നമ്പര്‍ ജഴ്‌സിയണിയും.

അടുത്ത സീസണിന് മുന്നോടിയായി കേരള ബ്ലാസ്‌റ്റേഴ്‌സ് അഞ്ച് താരങ്ങളെ റിലീസ് ചെയ്തു. ഹര്‍മന്‍ജോത് ഖാബ്ര, വിക്ടര്‍ മോംഗില്‍, ഇവാന്‍ കലിയൂഷ്‌നി, അപ്പോസ്തലസ് ജിയാനു, മുഹീത് ഖാന്‍ എന്നിവര്‍ വരും സീസണില്‍ ബ്ലാസ്‌റ്റേഴ്‌സ് നിരയിലുണ്ടാകില്ല.