ടൂറിന്: സാമ്പത്തിക ക്രമക്കേടിനെത്തുടര്ന്ന് 2023-24 സീസണ് കോണ്ഫറന്സ് ലീഗില്നിന്ന് ഇറ്റാലിയന് വമ്പന്മാരായ യുവന്റസിനെ പുറത്താക്കി യുവേഫ. ഇതിന് പുറമേ 20 മില്യണ് യൂറോ (ഏകദേശം 181 കോടി രൂപ) ക്ലബ്ബ് പിഴയായി അടയ്ക്കണം.
യുവേഫയുടെ തീരുമാനം അംഗീകരിക്കുന്നുവെന്നും അപ്പീലിലൂടെ മുന്നോട്ട് പോകുന്നുന്നില്ലെന്നും യുവന്റസ് വ്യക്തമാക്കി. ഇതോടെ ടീം കോണ്ഫറന്സ് ലീഗിലുണ്ടാകില്ല എന്ന കാര്യം ഉറപ്പായി. കഴിഞ്ഞ സീസണില് ഇറ്റാലിയന് സീരി എ യില് യുവന്റസ് ഏഴാമതാണ് മത്സരം അവസാനിപ്പിച്ചത്. 38 മത്സരങ്ങളില്നിന്ന് 62 പോയന്റാണ് ടീമിനുള്ളത്. ഏഴാം സ്ഥാനം നേടിയതോടെയാണ് ടീം കോണ്ഫറന്സ് ലീഗിന് യോഗ്യത നേടിയത്.
എന്നാല് യുവന്റസിന് വിലക്ക് ലഭിച്ചതോടെ എട്ടാം സ്ഥാനത്തുള്ള ഫിയോറന്റീനയ്ക്ക് കോണ്ഫറന്സ് ലീഗില് കളിക്കാം. അടുത്ത സീസണില് ഇറ്റാലിയന് സീരി എ യില് കളിക്കുന്നതില് യുവന്റസിന് തടസ്സങ്ങളൊന്നുമില്ല. കഴിഞ്ഞ സീസണില് നടത്തിയ മോശം പ്രകടനത്തില്നിന്ന് കരകയറാനൊരുങ്ങുന്ന ടീമിന് വലിയ തിരിച്ചടിയാണ് ഈ വിലക്ക് സമ്മാനിച്ചിരിക്കുന്നത്.
Content Highlights: Juventus Kicked Out Of UEFA Conference League Over Financial Rules Breach
Published: 29 Jul 2023, 06:13 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented