കോഴിക്കോട്: അര്ജന്റീനാ സൂപ്പര് താരം ലയണല് മെസ്സി കേരളത്തിലേക്ക് വന്നില്ലെങ്കിലെന്താ, പോര്ച്ചുഗീസ് സൂപ്പര് താരം ക്രിസ്റ്റ്യാനോ റൊണാള്ഡോ ഇന്ത്യയിലേക്കെത്തിയേക്കും. എഎഫ്സി ചാമ്പ്യന്സ് ലീഗ് ഫുട്ബോളില് കളിക്കാനാണ് റോണോ ഇന്ത്യയിലെത്തുക. വെള്ളിയാഴ്ച മലേഷ്യയിലെ ക്വലാലംപുരില് എഎഫ്സി ചാമ്പ്യന്സ് ലീഗ് ഗ്രൂപ്പ് രണ്ട് നറുക്കെടുപ്പില് റൊണാള്ഡോയുടെ ക്ലബ്ബായ സൗദിയിലെ അല് നസ്റും എഫ്സി ഗോവയും ഒരേ ഗ്രൂപ്പില് ഉള്പ്പെട്ടതോടെയാണിത്.
ഹോം ആന്ഡ് എവേ അടിസ്ഥാനത്തിലാണ് ടൂര്ണമെന്റിലെ മത്സരങ്ങള്. അതിനാല് തന്നെ എഫ്സി ഗോവയ്ക്കെതിരേ ഇന്ത്യയില് കളിക്കാന് റൊണാള്ഡോ എത്തിയേക്കും. സെപ്റ്റംബര് 16 മുതല് ഡിസംബര് 10 വരെയാണ് മത്സരങ്ങള് നിശ്ചയിച്ചിട്ടുള്ളത്.
ചാമ്പ്യന്സ് ലീഗിന്റെ പശ്ചിമമേഖലയിലെ 16 ടീമുകളെയാണ് നാലുഗ്രൂപ്പുകളായി തിരിക്കുന്നത്. ഇതില് പോട്ട് ഒന്നിലായിരുന്നു സൗദി ക്ലബ് അല് നസ്ര്, പോട്ട് മൂന്നില് ബഗാനും നാലില് ഗോവയും. വെള്ളിയാഴ്ച നടന്ന നറുക്കെടുപ്പില് അല് നസ്റും എഫ്സി ഗോവയും ഒരു ഗ്രൂപ്പില് ഉള്പ്പെടുകയായിരുന്നു.
Content Highlights: Cristiano Ronaldo`s Al Nassr drawn with FC Goa in AFC Champions League group stage
Published: 15 Aug 2025, 01:19 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented