ലണ്ടന്‍: ഇംഗ്ലീഷ് പ്രീമിയര്‍ ലീഗ് ഫുട്‌ബോളില്‍ കരുത്തരായ ചെല്‍സിയെ അട്ടിമറിച്ച് വെസ്റ്റ്ഹാം. വെസ്റ്റ്ഹാമിന്റെ ഹോം ഗ്രൗണ്ടില്‍ നടന്ന മത്സരത്തില്‍ രണ്ടിനെതിരേ മൂന്നു ഗോളിനായിരുന്നു ചെല്‍സിയുടെ തോല്‍വി. രണ്ട് തവണ ചെല്‍സി ലീഡെടുത്തിട്ടും വെസ്റ്റ്ഹാം തിരിച്ചടിക്കുകയായിരുന്നു.
28-ാം മിനിറ്റില്‍ മേസണ്‍ മൗണ്ട് എടുത്ത കോര്‍ണര്‍ കിക്കില്‍ തിയാഗോ സില്‍വ ചെല്‍സിയെ മുന്നിലെത്തിച്ചു. ആദ്യ പകുതി അവസാനിക്കും മുമ്പ് വെസ്റ്റ്ഹാം ഒപ്പം പിടിച്ചു. 40-ാം മിനിറ്റില്‍ മാനുവല്‍ ലാന്‍സിനി പെനാല്‍റ്റി ലക്ഷ്യത്തിലെത്തിച്ചു. ചെല്‍സി ഗോള്‍കീപ്പര്‍ എഡ്വേര്‍ഡ് മെന്‍ഡിക്ക് സംഭവിച്ച അബദ്ധമാണ് പെനാല്‍റ്റിയില്‍ കലാശിച്ചത്. 44-ാം മിനിറ്റില്‍ ചെല്‍സി വീണ്ടും ലീഡെടുത്തു. സിയെചിന്റെ ക്രോസില്‍ മേസണ്‍ മൗണ്ടിന്റെ വോളി വെസ്റ്റ്ഹാം വലയിലെത്തി.
എന്നാല്‍ രണ്ടാം പകുതി വെസ്റ്റ്ഹാമിന്റേതായിരുന്നു. 56-ാം മിനിറ്റില്‍ സൗഫലിന്റെ പാസില്‍ ജെറോര്‍ദ് ബൗവന്‍ വെസ്റ്റ്ഹാമിന്റെ രണ്ടാം ഗോള്‍ നേടി. സ്‌കോര്‍ 2-2 ആയി. 87-ാം മിനിറ്റില്‍ ചെല്‍സിയെ ഞെട്ടിച്ച് ആര്‍തര്‍ മസോകോ വിജയഗോള്‍ കണ്ടെത്തി. പ്രയാസമേറിയ ആംഗിളില്‍ നിന്ന് മസോകോ തൊടുത്ത ഷോട്ട് വലയുടെ മൂലയിലെത്തി.
ഈ വിജയത്തോടെ 15 മത്സരങ്ങളില്‍ നിന്ന് 27 പോയിന്റുമായി വെസ്റ്റ്ഹാം നാലാം സ്ഥാനത്താണ്. 33 പോയിന്റുമായി ചെല്‍സിയാണ് ഒന്നാം സ്ഥാനത്ത്. ഈ സീസണില്‍ ചെല്‍സിയുടെ രണ്ടാം തോല്‍വിയാണിത്. 10 മത്സരങ്ങള്‍ വിജയിച്ചപ്പോള്‍ മൂന്നു മത്സരങ്ങള്‍ സമനിലയായി.
Content Highlights: EPL 2021 Chelsea vs West Ham Football
Published: 04 Dec 2021, 09:42 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented