ഫ്‌ലോറിഡ:കോപ്പ അമേരിക്കയില്‍ ക്വാര്‍ട്ടര്‍ ഫൈനലില്‍ നേരത്തെ പ്രവേശിച്ച അര്‍ജന്റീന ഗ്രൂപ്പ് ഘട്ടത്തിലെ അവസാന മത്സരത്തില്‍ പെറുവിനെ തകര്‍ത്തു. എതിരില്ലാ രണ്ടു ഗോളുകള്‍ക്കായിരുന്നു ഹാര്‍ഡ് റോക്ക് സ്റ്റേഡിയത്തില്‍ അര്‍ജന്റീനയുടെ ജയം. ഇതോടെ പെറു ടൂര്‍ണ്ണമെന്റില്‍നിന്ന് പുറത്തായി.
സൂപ്പര്‍ താരം മെസിയെ കളത്തിലിറക്കാതെയാണ് ലിയോണല്‍ സ്‌കലോണി പെറുവിനെതിരേ തന്ത്രം മെനഞ്ഞത്. ഗോള്‍ രഹിത ആദ്യ പകുതിക്ക് ശേഷം രണ്ടാം പകുതിയിലാണ് രണ്ടു ഗോളുകളും പിറന്നത്. 47, 86 മിനിറ്റില്‍ ലൗട്ടാരോ മാര്‍ട്ടിനെസാണ് ഇരു ഗോളും നേടിയത്. മാര്‍ട്ടിനെസ് മൂന്ന് മത്സരങ്ങളിലും അര്‍ജീന്റീനയ്ക്കായി ഗോള്‍ നേടിയിട്ടുണ്ട്.
നിലവില്‍ ഗ്രൂപ്പ് എയില്‍ മുന്നില്‍ നില്‍ക്കുന്ന അര്‍ജന്റീന ആദ്യ രണ്ട് മത്സരങ്ങളിലും വിജയിച്ച് ക്വാര്‍ട്ടര്‍ ഉറപ്പിച്ചതാണ്. ഗ്രൂപ്പ് ബിയില്‍ ഞായറാഴ്ച നടക്കുന്ന മെക്‌സിക്കോ ഇക്വഡോര്‍ മത്സരത്തിലെ വിജയികളെ ജൂലൈ 4-ന് അര്‍ജന്റീന നേരിടും.
Content Highlights: copa america peru vs argentina
Published: 30 Jun 2024, 07:47 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented