
മഡ്രിഡ്: അപൂര്വനേട്ടത്തോടെ അത്ലറ്റിക് ബില്ബാവോ സ്പാനിഷ് കിങ്സ് കപ്പ് ഫുട്ബോളിന്റെ ഫൈനലില്. സെമിഫൈനലിന്റെ രണ്ടാം പാദത്തില് ലെവന്റെയെ (2-1) തോല്പ്പിച്ചു. റൂയി ഗാര്ഷ്യ (പെനാല്ട്ടി 30), അലസാന്ഡ്രോ റെമിറോ (112) എന്നിവര് അത്ലറ്റിക് ക്ലബ്ബിനായി സ്കോര് ചെയ്തു. റോജര് മാര്ട്ടി (17) ലെവന്റെയുടെ ഗോള് നേടി.
നിശ്ചിതസമയത്ത് ഇരുടീമുകളും (1-1) തുല്യതയിലായിരുന്നു. ആദ്യപാദത്തിലും 1-1 ന് തുല്യതയിലായിരുന്നു. ഇതോടെ കളി അധികസമയത്തേക്ക് നീണ്ടു. 112ാം മിനിറ്റിലെ ഗോളോടെ ബില്ബാവോ ജയമുറപ്പിച്ചു. കിരീടപോരാട്ടത്തില് എഫ്.സി. ബാഴ്സലോണയാണ് എതിരാളി.
ഫൈനലിലെത്തിയതോടെ, ഒരേ മാസം കിങ്സ് കപ്പിന്റെ രണ്ട് ഫൈനലാണ് ടീം കളിക്കാന് പോകുന്നത്. കഴിഞ്ഞ സീസണിലും ബില്ബാവോ ഫൈനലിലെത്തി. കോവിഡ് കാരണം നീട്ടിവെച്ച ഫൈനല് ഏപ്രില് മൂന്നിന് നടക്കും. റയല് സോസിഡാഡാണ് ഇതിലെ എതിരാളി. ഇത്തവണത്തെ ഫൈനലില് ഏപ്രില് 17 ന് ബാഴ്സയെ നേരിടും.
Content Highlights: Athletic Bilbao enter into the finals of Spanish kings cup
Published: 06 Mar 2021, 09:58 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented