ലണ്ടന്: കാറകടത്തില് മരിച്ച ലിവര്പൂളിന്റെ പോര്ച്ചുഗീസ് താരം ഡിയോഗോ ജോട്ടയ്ക്ക് ആദരമര്പ്പിച്ച് ഇന്ത്യന് ക്രിക്കറ്റ് താരം മുഹമ്മദ് സിറാജ്. വെള്ളിയാഴ്ച ഇംഗ്ലണ്ടിനെതിരായ ലോര്ഡ്സ് ടെസ്റ്റിന്റെ രണ്ടാം ദിനം ജാമി സ്മിത്തിനെ പുറത്താക്കിയ ശേഷമായിരുന്നു സിറാജിന്റെ ഈ പ്രവൃത്തി.
ഇംഗ്ലണ്ട് ഇന്നിങ്സിലെ 107-ാം ഓവറില് സ്മിത്തിനെ പുറത്താക്കിയ ശേഷം ആകാശത്തേക്ക് നോക്കിയ സിറാജ് കൈകൊണ്ട് ജോട്ടയുടെ ജേഴ്സി നമ്പറായ '20' എന്ന ആംഗ്യം കാണിക്കുകയായിരുന്നു. ലിവര്പൂളില് ജോട്ടയുടെ ജേഴ്സി നമ്പര് 20 ആയിരുന്നു. ഈ ചിത്രം ഇംഗ്ലീഷ് പ്രീമിയര് ലീഗ് ഇന്ത്യ തങ്ങളുടെ ഔദ്യോഗിക സോഷ്യല് മീഡിയ പേജുകളില് പങ്കുവെയ്ക്കുകയും ചെയ്തു.
ജൂലായ് മൂന്നിന് സ്പെയിനിലെ സമോറ നഗരത്തില് വെച്ചുണ്ടായ കാറപകടത്തിലാണ് ജോട്ടയ്ക്ക് ജീവന് നഷ്ടമായത്. അപകടത്തില് ജോട്ടയ്ക്കും ഒപ്പം സഞ്ചരിച്ചിരുന്ന സഹോദരന് ആന്ഡ്രെ സില്വയ്ക്കും ജീവന് നഷ്ടപ്പെട്ടു. വിവാഹം കഴിഞ്ഞ് 10 ദിവസം മാത്രം കഴിയുമ്പോഴാണ് താരത്തിന് ദാരുണാന്ത്യം സംഭവിക്കുന്നത്. ജോട്ടയും സഹോദരനും സഞ്ചരിച്ചിരുന്ന ലംബോര്ഗിനിയാണ് അപകടത്തില്പ്പെട്ടത്. മറ്റൊരു വാഹനത്തെ മറികടക്കാനുള്ള ശ്രമത്തിനിടെയാണ് അപകടമുണ്ടായത്. കാര് റോഡില് നിന്ന് തെന്നിമാറുകയും ടയര് പൊട്ടുകയും ചെയ്തു. പിന്നാലെ വാഹനം മറിഞ്ഞ് തീപ്പിടിക്കുകയായിരുന്നു. സമോറയില് എ 52 ഹൈവേയിലാണ് അപകടം നടക്കുന്നത്.
Content Highlights: Indian cricketer Mohammed Siraj honors late Liverpool star Diogo Jota with a touching gesture
Published: 11 Jul 2025, 08:56 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented