വെല്ലിങ്ടൺ: ന്യൂസീലൻഡിനെതിരായ ആദ്യ ടെസ്റ്റിൽ ഡിആർഎസുമായി ബന്ധപ്പെട്ട് വിവാദം. ഗ്ലെൻ ഫിലിപ്‌സിന്റെ എൽബിഡബ്ല്യു ഔട്ടിനായി ഇന്ത്യൻ താരങ്ങൾ വാദിച്ചെങ്കിലും അമ്പയർ അനുവദിച്ചില്ല. ഇന്ത്യൻ ക്യാപ്റ്റൻ ശുഭ്മാൻ ഗിൽ തന്റെ അതൃപ്തി അമ്പയറെ അറിയിക്കുകയും ചെയ്തു.

To advertise here,

31-ാം ഓവറിലാണ് സംഭവം. ജസ്പ്രീത് ബുംറയുടെ പന്തിൽ ഗ്ലെൻ ഫിലിപ്‌സ് വിക്കറ്റിന് മുന്നിൽ കുരുങ്ങുകയായിരുന്നു. ഫീൽഡ് അമ്പയർ ഔട്ട് നൽകാതിരുന്നതോടെ ഇന്ത്യൻ ക്യാപ്റ്റൻ ഡിആർഎസ് ആവശ്യപ്പെട്ടു. പന്ത് ബാക്ക് പാഡിൽ കൊള്ളുന്നതിന് മുമ്പ് ബാറ്റിൽ ചെറുതായി തട്ടിയിരുന്നുവെന്നാണ് ടിവി അമ്പയർ പോൾ റീഫെലിന്റെ നിഗമനം. ഇതോടെ നോട്ട് ഔട്ടും വിധിച്ചു.

എന്നാൽ ബാറ്റും പാഡും തമ്മിൽ വലിയ അകലമുണ്ടായിരുന്നുവെന്നായിരുന്നു ഗില്ലിന്റെ ഉറച്ച വിശ്വാസം. ഫീൽഡ് അമ്പയർ റിച്ചാർഡ് ഇല്ലിങ്‌വർത്തിനെ ഗിൽ തന്റെ അതൃപ്തി അറിയിക്കുകയും ചെയ്തു.