ലണ്ടന്: ഇംഗ്ലണ്ടിനെതിരായ ടെസ്റ്റ് പരമ്പരയ്ക്കുള്ള തയ്യാറെടുപ്പിലാണ് ഇന്ത്യന് ക്രിക്കറ്റ് ടീം. ക്യാപ്റ്റന് ശുഭ്മാന് ഗില്ലിന്റെ നേതൃത്വത്തിലുള്ള ഇന്ത്യന് സംഘം ഇംഗ്ലണ്ടിലെത്തി പരിശീലനത്തിലാണ്. ഇന്ത്യയുടെ പരിശീലന സെഷനുമായി ബന്ധപ്പെട്ട് ഇപ്പോള് വാര്ത്തകളില് നിറയുന്നത് ഇന്ത്യന് താരം ഋഷഭ് പന്ത് അടിച്ച ഒരു സിക്സാണ്. സ്റ്റേഡിയത്തിന്റെ മേല്ക്കൂര പന്തിന്റെ സിക്സറില് തകര്ന്നു.
ബെക്കെന്ഹാമിലെ കെന്റ് കൗണ്ടി ക്രിക്കറ്റ് സ്റ്റേഡിയത്തിലായിരുന്നു ഇന്ത്യന് ടീമിന്റെ പരിശീലനം. പരിശീലന സെഷനില് സ്പിന്നര്മാര്ക്കെതിരേ വലിയ ഷോട്ടുകളാണ് പന്ത് പുറത്തെടുത്തത്. വാഷിങ്ടണ് സുന്ദറിനെതിരേ ഋഷഭ് പന്ത് അടിച്ച ഒരു സിക്സ് ചെന്നുപതിച്ചത് സ്റ്റേഡിയത്തിന്റെ മേല്ക്കൂരയിലായിരുന്നു. പന്ത് ചെന്നുവീണതോടെ മേല്ക്കൂര തകരുകയും ചെയ്തു.
ജൂണ് 20-നാണ് ഇന്ത്യ - ഇംഗ്ലണ്ട് ടെസ്റ്റ് പരമ്പര ആരംഭിക്കുന്നത്. പുതിയ പരമ്പരയില് ഇന്ത്യയുടെ വൈസ് ക്യാപ്റ്റനാണ് പന്ത്. ഇംഗ്ലണ്ടില് ഇതുവരെ കളിച്ച 17 ഇന്നിങ്സുകളില് നിന്ന് 32.70 ശരാശരിയില് 556 റണ്സ് പന്ത് നേടിയിട്ടുണ്ട്. രണ്ട് സെഞ്ചുറികളും ഇംഗ്ലണ്ട് മണ്ണില് പന്ത് കുറിച്ചിട്ടുണ്ട്.
Content Highlights: Rishabh Pant smashes a six during India`s training session in England
Published: 10 Jun 2025, 05:47 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented