
ന്യൂഡൽഹി: ക്രിക്കറ്റിൽ എം.എസ് ധോനിയുടെ കാലം കഴിഞ്ഞുവെന്നും യുവതലമുറയ്ക്കു വേണ്ടി വഴിമാറികൊടുക്കേണ്ട സമയമാണിതെന്നും ഇന്ത്യയുടെ മുൻതാരം റോജർ ബിന്നി. ധോനിയുടെ ശാരീരികക്ഷമത കുറഞ്ഞുവരികയാണ്. മുമ്പ് കളിച്ചതുപോലെ ധോനിക്ക് ഇനി കളിക്കാൻ കഴിയില്ല. കഴിഞ്ഞ കുറച്ചുകാലമായുള്ള ധോനിയുടെ പ്രകടനം നോക്കിയിട്ടാണ് അദ്ദേഹത്തിന്റെ നല്ലകാലം കഴിഞ്ഞെന്നു പറയുന്നതെന്നും റോജർ ബിന്നി വ്യക്തമാക്കി.
'ധോനിയുടെ ഏറ്റവും മികച്ചകാലം കടന്നുപോയി. അദ്ദേഹം തന്നെയാണ് ഇക്കാര്യം തിരിച്ചറിയേണ്ടത്. കരുത്തും സാമർഥ്യവും ഉപയോഗിച്ച് ധോനി കളി തന്നെ മാറ്റിയെടുത്തിട്ടുണ്ട്. യുവതാരങ്ങളെ പ്രോത്സാഹിപ്പിക്കാനും ധോനിക്ക് കഴിഞ്ഞിട്ടുണ്ട്. ഇപ്പോൾ അദ്ദേഹത്തിന്റെ ഫിറ്റ്നെസ് കുറഞ്ഞുവരികയാണ്. യുവതാരങ്ങൾ അവസരത്തിനായി കാത്തിരിക്കുകയുമാണ്.' ഒരു ദേശീയ മാധ്യമത്തിന് നൽകിയ അഭിമുഖത്തിൽ ബിന്നി വ്യക്തമാക്കുന്നു.
സീനിയർ താരങ്ങളെ എപ്പോഴും ധോനി ബഹുമാനിക്കുമായിരുന്നു. വളരെ സാധാരണക്കാരനായ വ്യക്തിയാണ് അദ്ദേഹം. സഹതരാങ്ങളോട് ഏറെ നേരം സംസാരിച്ച് ടീമിനു എന്താണ് വേണ്ടതെന്ന് പറയാനും ധോനി എപ്പോഴും തയ്യാറായിട്ടുണ്ട്. ബിന്നി കൂട്ടിച്ചേർത്തു. 1983-ൽ ലോകകപ്പ് നേടിയ ഇന്ത്യൻ ടീമിൽ അംഗമായിരുന്ന റോജർ ബിന്നി 2012-ൽ ബി.സി.സി.ഐയുടെ അഞ്ചംഗ സെലക്ഷൻ പാനലിലുമുണ്ടായിരുന്നു.
Content Highlights: MS Dhoni past his best has lost a bit of fitness says Roger Binny
Published: 01 Aug 2020, 04:32 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented