ന്യൂഡൽഹി: വനിതകളുടെ ഡൽഹി പ്രീമിയർ ലീഗിൽ തരംഗമായി സെൻട്രൽ ഡൽഹി ക്വീൻസിന്റെ ഓൾറൗണ്ടർ മേധവി ബിദൂരി. വിക്കറ്റെടുത്ത ശേഷം ജെൻ സിയുടെ പ്രധാന ആഘോഷങ്ങളിലൊന്നായ '6-7 സെലിബ്രേഷന'ാണ് മേധവി നടത്തിയത്. രണ്ട് കൈകളും മുകളിലേക്കും താഴേക്കും ചലിപ്പിക്കുന്ന രീതിയിലുള്ളതാണ് ഈ ആഘോഷം. ഇതിന് പിന്നാലെ മേധവിയുടെ ഈ വീഡിയോ സോഷ്യൽ മീഡിയയിൽ ചർച്ചയായി.
ഓഗസ്റ്റ് 20ന് നടന്ന മത്സരത്തിൽ ഡൽഹി സൂപ്പർ സ്റ്റാർസിന്റെ ബാറ്റർ നിഷിക സിങ്ങിനെയയാണ് മേധവി പുറത്താക്കിയത്. 16-ാം ഓവറിലായിരുന്നു ഈ വിക്കറ്റ്. മത്സരത്തിൽ നാല് ഓവർ എറിഞ്ഞ് 24 റൺസ് വഴങ്ങി മേധവി രണ്ട് വിക്കറ്റ് എടുത്തുവെങ്കിലും സെൻട്രൽ ഡൽഹി ക്വീൻസിന് വിജയിക്കാനായില്ല. 29 റൺസിന് അവർ സൗത്ത് ഡൽഹി സൂപ്പർസ്റ്റാർസിനോട് പരാജയപ്പെട്ടു.
മത്സരത്തിനുശേഷം മേധവി ഈ ആഘോഷത്തെ കുറിച്ച് സംസാരിച്ചു. താൻ സാധാരണായി ധരിക്കുന്ന 12-ാം നമ്പർ ജെഴ്‌സി മറ്റൊരു താരം എടുത്തതുകൊണ്ടാണ് 67-ാം നമ്പർ ജെഴ്‌സി ധരിച്ചതെന്നും ഈ ആഘോഷത്തം നടത്താൻ ആവശ്യപ്പെട്ടത് ഇളയ സഹോദരിയാണെന്നും മേധവി വ്യക്തമാക്കി. 'ഈ സിക്‌സ്-സെവൻ സംഗതി ഇപ്പോൾ ട്രെൻഡിങ്ങാണ്. എന്റെ ഇളയ സഹോദരിയാണ് 67-ാം നമ്പർ ജെഴ്‌സി ധരിക്കാനും ഈ രീതിയിൽ ആഘോഷിക്കാനും ആവശ്യപ്പെട്ടത്.'-താരം വ്യക്തമാക്കി.
Content Highlights: Central Delhi Queens all-rounder Medhavi Bidhuri stole the spotlight with her Gen Z '6-7 celebration' after taking a wicket., The incident occurred during the match against Delhi Superstars on August 20, dismissing batter Nishika Singh., Medhavi took 2 wickets for 24 runs in 4 overs, though her team lost to South Delhi Superstarz., She revealed that her younger sister suggested the 67 jersey number and the trending celebration style.
Published: 23 Aug 2026, 03:38 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented