ന്യൂഡല്‍ഹി: അടുത്തവര്‍ഷം നടക്കുന്ന അണ്ടര്‍ 19 ക്രിക്കറ്റ് ലോകകപ്പിന്റെ മത്സരക്രമം പുറത്തുവിട്ട് ഐസിസി. ജനുവരി 15 മുതല്‍ ഫെബ്രുവരി 6 വരെയാണ് ലോകകപ്പ്. സിംബാബ്വേ, നമീബിയ എന്നീ രാജ്യങ്ങളാണ് ടൂര്‍ണമെന്റിന് ആതിഥേയത്വം വഹിക്കുന്നത്.
ഇന്ത്യയും അമേരിക്കയും തമ്മിലാണ് ഉദ്ഘാടനമത്സരം. സിംബാബ്വേ-സ്‌കോട്ട്‌ലന്‍ഡ് മത്സരവും ആദ്യദിനം നടക്കും. നിലവിലെ ജേതാക്കളായ ഓസ്‌ട്രേലിയയുടെ ആദ്യമത്സരം ജനുവരി 16 ന് അയര്‍ലന്‍ഡിനെതിരേയാണ്. ടാന്‍സാനിയ ആദ്യമായി ഒരു ഐസിസി ടൂര്‍ണമെന്റില്‍ കളിക്കുന്നുവെന്ന പ്രത്യേകതയും ഈ ലോകകപ്പിനുണ്ട്.
16 ടീമുകളെ നാലുഗ്രൂപ്പുകളായി തിരിച്ചിട്ടുണ്ട്. ഇന്ത്യ, ബംഗ്ലാദേശ്, യുഎസ്എ, ന്യൂസിലന്‍ഡ് ടീമുകള്‍ ഗ്രൂപ്പ് എയിലാണ്. പാകിസ്താന്‍, ഇംഗ്ലണ്ട് ടീമുകള്‍ ഗ്രൂപ്പ് ബിയിലും ഓസ്‌ട്രേലിയ, ശ്രീലങ്ക ടീമുകള്‍ ഗ്രൂപ്പ് സിയിലുമാണ്. ഗ്രൂപ്പ് ഡിയില്‍ ദക്ഷിണാഫ്രിക്ക, വെസ്റ്റിന്‍ഡീസ് ടീമുകളും ഉള്‍പ്പെടുന്നു. ഗ്രൂപ്പ് ഘട്ടത്തിന് ശേഷം സൂപ്പര്‍ സിക്‌സ്, സെമി ഫൈനല്‍ മത്സരങ്ങള്‍ നടക്കും. ഫെബ്രുവരി ആറിനാണ് ഫൈനല്‍.
Content Highlights: icc U19 World Cup 2026 fixture announced
Published: 19 Nov 2025, 08:12 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented