വെല്ലിങ്ടൺ: ന്യൂസിലൻഡും ഇന്ത്യയും തമ്മിലുള്ള ഒന്നാം ടെസ്റ്റിന്റെ നാലാം ദിവസം രസകരമായ സംഭവത്തിന് സാക്ഷിയായി കാണികൾ. ആകാശ് ദീപ് എറിഞ്ഞ 15-ാം ഓവറിലെ മൂന്നാം പന്തിലായിരുന്നു ഈ സംഭവം. കിവീസ് ബാറ്റർ ഡെവോൺ കോൺവെയുടെ പാഡിൽ പന്ത് തട്ടിയയുടൻ എൽ.ബി.ഡബ്ല്യുവിനായി അപ്പീൽ ചെയ്തുവെങ്കിലും ഫീൽഡ് അമ്പയർ അത് നിരസിച്ചു. താൻ ഔട്ടാക്കിയെന്ന് ഉറച്ചുവിശ്വസിച്ച ആകാശ്, ഗില്ലിന്റെ അരികിലെത്തി ഡിആർഎസ് റിവ്യൂ എടുക്കാൻ ആവശ്യപ്പെട്ടു.

To advertise here,

പന്ത് ബാറ്റിൽ തട്ടിയിട്ടിലെന്ന് ആകാശ് ദീപ് ഗില്ലിനോട് പറഞ്ഞു. മറ്റ് താരങ്ങളുമായി ഗിൽ ഇക്കാര്യം ചർച്ച ചെയ്തു. പന്ത് പാഡിൽ കൊള്ളുന്നതിന് മുമ്പ് ബാറ്റിൽ തട്ടിയിരുന്നുവെന്ന് ചിലർ അഭിപ്രായപ്പെട്ടു. എന്നാൽ ആകാശ് ദീപ് അതിനോട് യോജിച്ചില്ല. അത് എൽബിഡബ്ല്യു ആണെന്ന് തന്നെ ഉറപ്പിച്ചു. എന്നാൽ ആകാശ് ദീപിന്റെ വാദങ്ങളിൽ തൃപ്തനാകാത്ത ഗിൽ റിവ്യൂ എടുക്കേണ്ടതില്ലെന്ന് തീരുമാനിക്കുകയായിരുന്നു.

ടെസ്റ്റിന്റെ നാലാം ദിവസം സ്റ്റമ്പെടുക്കുമ്പോൾ ന്യൂസീലൻഡ് രണ്ട് വിക്കറ്റ് നഷ്ടത്തിൽ 119 റൺസ് എന്ന നിലയിലാണ്. അക്കൗണ്ട് തുറക്കും മുമ്പ് ടോം ലാഥവും 31 റൺസെടുത്ത ഹെന്റി നിക്കോൾസുമാണ് പുറത്തായത്. ഓപ്പണർ ഡെവോൺ കോൺവെ 137 പന്തിൽ പുറത്താകാതെ 59 റൺസ് നേടിയിട്ടുണ്ട്. 21 റൺസോടെ രചിൻ രവീന്ദ്രയാണ് കൂടെയുള്ളത്. നേരത്തെ ബാറ്റിങ്ങിൽ ആധിപത്യം പുലർത്തിയ ഇന്ത്യ ഒമ്പത് വിക്കറ്റിന് 720 റൺസ് എന്ന നിലയിൽ ഇന്നിങ്‌സ് ഡിക്ലയർ ചെയ്യുകയായിരുന്നു. 352 റൺസിന്റെ വലിയ ലീഡ് നേടുകയും ചെയ്തു.