വെല്ലിങ്ടൺ: ന്യൂസീലൻഡിനെതിരായ ഒന്നാം ക്രിക്കറ്റ് ടെസ്റ്റിന്റെ നാലാം ദിനം ബാറ്റിങ് ആരംഭിച്ച് ഇന്ത്യ. നാലു വിക്കറ്റ് നഷ്ടത്തിൽ 486 റൺസെന്ന നിലയിൽ നാലാം ദിനം ബാറ്റിങ് തുടങ്ങിയ ഇന്ത്യയ്ക്കായി ഋഷഭ് പന്തും നൈറ്റ് വാച്ച്മാൻ അൻഷുൽ കാംബോജും സ്‌കോറിങ് വേഗത്തിലാക്കി. 42 പന്തിൽ നിന്ന് ഒരു സിക്‌സും ആറ് ഫോറുമടക്കം 38 റൺസെടുത്ത കാംബോജിനെ ഒടുവിൽ ഗ്ലെൻ ഫിലിപ്‌സാണ് പുറത്താക്കിയത്. ഋഷഭ് പന്തിനൊപ്പം അഞ്ചാം വിക്കറ്റിൽ 68 റൺസിന്റെ കൂട്ടുകെട്ടുണ്ടാക്കിയ ശേഷമാണ് താരം മടങ്ങിയത്. നിലവിൽ അഞ്ചിന് 554 റൺസെന്ന നിലയിലാണ് ഇന്ത്യ. പന്തും (85*), ധ്രുവ് ജുറെലുമാണ് (0*) ക്രീസിൽ. ഒന്നാം ഇന്നിങ്‌സിൽ ഇന്ത്യയ്ക്ക് 186 റൺസ് ലീഡായി.

To advertise here,

ആദ്യ അഞ്ച് ബാറ്റർമാരിൽ നിന്ന് ഒരു സെഞ്ചുറിയും നാല് അർധസെഞ്ചുറികളും വന്നതോടെ തന്നെ ഒന്നാം ക്രിക്കറ്റ് ടെസ്റ്റിൽ ഇന്ത്യ പിടിമുറുക്കിയിരുന്നു. 136 റൺസെടുത്ത കെ.എൽ. രാഹുലിന്റെ സെഞ്ചുറിയാണ് ഇന്ത്യൻ ഇന്നിങ്സിലെ ഹൈലൈറ്റ്. ജയ്സ്വാളിന് പുറമേ ദേവ്ദത്ത് പടിക്കൽ (80), ക്യാപ്റ്റൻ ശുഭ്മൻ ഗിൽ (98) എന്നിവരും അർധസെഞ്ചുറി കണ്ടെത്തി.