ഫോര്ട്ട്ഹില് (സ്കോട്ട്ലന്ഡ്): ഏകദിന അരങ്ങേറ്റത്തില് തന്നെ ഏഴു വിക്കറ്റുകള് വീഴ്ത്തി റെക്കോഡ് ബുക്കിലിടംനേടി സ്കോട്ട്ലന്ഡ് പേസര് ചാര്ലി കാസ്സെല്. ഒമാനെതിരായ ലീഗ് 2 ലോകകപ്പ് യോഗ്യതാ മത്സരത്തിലായിരുന്നു ചാര്ലിയുടെ പ്രകടനം. അരങ്ങേറ്റ മത്സരത്തില് വെറും 5.4 ഓവറുകള് മാത്രമെറിഞ്ഞ ചാര്ലി, 21 റണ്സ് വഴങ്ങിയാണ് ഏഴു വിക്കറ്റ് പിഴുതത്.
ഇതോടെ ദക്ഷിണാഫ്രിക്കന് പേസര് കാഗിസോ റബാദ ഒമ്പത് വര്ഷങ്ങള്ക്കു മുമ്പ് സ്ഥാപിച്ച റെക്കോഡും ചാര്ലി പഴങ്കഥയാക്കി. 2015 ജൂലായില് ബംഗ്ലാദേശിനെതിരായ ഏകദിന അരങ്ങേറ്റത്തിനിടെ വെറും 16 റണ്സിന് ആറു വിക്കറ്റ് വീഴ്ത്തിയ റബാദയുടെ പേരിലായിരുന്നു ഏകദിന അരങ്ങേറ്റത്തിലെ ഒരു താരത്തിന്റെ ഏറ്റവും മികച്ച ബൗളിങ് പ്രകടനത്തിന്റെ റെക്കോഡ്. ഇതാണ് ഇപ്പോള് ചാര്ലിക്ക് മുന്നില് വഴിമാറിയിരിക്കുന്നത്.
ചാര്ലിയുടെ ബൗളിങ് മികവില് ഒമാനെ 21.4 ഓവറില് 91 റണ്സിന് ഓള്ഔട്ടാക്കിയ സ്കോട്ട്ലന്ഡ്, 17.2 ഓവറില് രണ്ടു വിക്കറ്റ് മാത്രം നഷ്ടപ്പെടുത്തി ലക്ഷ്യം കണ്ടു.
Content Highlights: 7 wickets on odi debut scotland debutant breaks kagiso rabada record
Published: 22 Jul 2024, 09:51 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented