ഭുവനേശ്വര്: സന്തോഷ് ട്രോഫി ഫുട്ബോള് ഫൈനല് റൗണ്ടിലെ രണ്ടാം മത്സരത്തില് കേരളത്തിന് തോല്വി. ഗ്രൂപ്പ് എ-യില് ഒഡിഷ ഫുട്ബോള് അക്കാദമി ഗ്രൗണ്ടില് നടന്ന മത്സരത്തില് മറുപടിയില്ലാത്ത ഒരു ഗോളിന് കര്ണാടകയാണ് കേരളത്തെ തോല്പ്പിച്ചത്.
20-ാം മിനിറ്റില് അഭിഷേക് ശങ്കറാണ് കര്ണാടകയുടെ വിജയ ഗോള് നേടിയത്. ജേക്കബ് ജോണ് ബോക്സിലേക്ക് ഉയര്ത്തിനല്കിയ പന്ത് കൃത്യമായി ചെസ്റ്റില് ടാപ് ചെയ്ത് അഭിഷേക് വലയിലെത്തിക്കുകയായിരുന്നു.
ആദ്യ മത്സരത്തില് ഗോവയെ പരാജയപ്പെടുത്തിയ കേരളത്തെ രണ്ടാം മത്സരത്തില് കര്ണാടക വെള്ളംകുടിപ്പിക്കുകയായിരുന്നു. മത്സരത്തിലുടനീളം പന്തിന്മേല് ആധിപത്യം കര്ണാടകയ്ക്കായിരുന്നു. ഭാവനാസമ്പന്നമായ മികച്ച മുന്നേറ്റങ്ങള് ഒരുക്കാന് അവര്ക്കായി. മറുവശത്ത് കേരളം ഫൈനല് തേര്ഡില് പിഴവുകള് തുടര്ന്നു. രണ്ട് മികച്ച അവസരങ്ങളാണ് മത്സരത്തില് കേരള താരങ്ങള് കളഞ്ഞുകുളിച്ചത്. നിജോ ഗില്ബര്ട്ട് നിറംമങ്ങിയതും കേരളത്തിന് തിരിച്ചടിയായി. സ്ട്രൈക്കര് നരേഷിനും ലഭിച്ച അവസരങ്ങള് മുതലാക്കാനായില്ല.
Content Highlights: Santosh Trophy Karnataka beat Kerala
Published: 12 Feb 2023, 11:00 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented