നോമ്പ് തുറക്കാന് സ്വാദിഷ്ടമായ ഇറച്ചിപ്പത്തിരി തയ്യാറാക്കാം.
ആവശ്യമായ ചേരുവകള്
1. മൈദ - ഒന്നര കപ്പ്
2. നെയ്യ് - രണ്ട് ടേബിള് സ്പൂണ്
3. എല്ലില്ലാത്ത ചിക്കന് എണ്ണയില് വറുത്തെടുത്തത് - 250 ഗ്രാം
4. ഇഞ്ചി, വെളുത്തുള്ളി ചതച്ചത് - ഒരു ടീസ്പൂണ് വീതം
5. പച്ചമുളക് - രണ്ടെണ്ണം ചെറുതായി അരിഞ്ഞത്
6 സവാള - രണ്ടെണ്ണം
7. ഗരം മസാല- ഒരു ടീസ്പൂണ്
8. മഞ്ഞള്പ്പൊടി - ഒരു ടീസ്പൂണ്
9. മുളകുപൊടി- ഒരു ടീസ്പൂണ്
10. കുരുമുളകു പൊടി - ഒരു ടീസ്പൂണ്
11. മല്ലിപ്പൊടി - ഒരു ടീസ്പൂണ്
12. കറിവേപ്പില, മല്ലിയില, ഉപ്പ് - ആവശ്യത്തിന്
13. ഓയില് - രണ്ട് ടേബിള് സ്പൂണ്
ഫ്രൈ ചെയ്യുന്നതിനും കോട്ടു ചെയ്യുന്നതിനും ആവശ്യമുള്ള സാധനങ്ങള്
കോഴിമുട്ട - രണ്ടെണ്ണം
പഞ്ചസാര - ഒരു സ്പൂണ്
പൊരിച്ചെടുക്കാന് വേണ്ട ഓയില്
ഉണ്ടാക്കേണ്ട വിധം
ചൂടാക്കിയ പാത്രത്തില് രണ്ടു ടേബിള് സ്പൂണ് ഓയില് ഒഴിച്ച് അതില് ഇഞ്ചി, വെളുത്തുള്ളി, സവാള, പച്ചമുളക് എന്നിവ ഉപ്പു ചേര്ത്ത് വഴറ്റിയെടുക്കുക. സവാള മൂത്തുവരുമ്പോള് വറുത്തെടുത്ത ചിക്കന് അതില് ചേര്ക്കുക. മുകളില് പറഞ്ഞിരിക്കുന്ന മസാലകള് അതില് ചേര്ത്ത് ഇളക്കുക. പച്ചമണം മാറുമ്പോള് അടുപ്പ് ഓഫ് ചെയ്യുക. മൈദ മാവ് കുഴച്ചെടുത്ത് ത്രികോണാകൃതിയില് പരത്തിയെടുക്കുക. ശേഷം തയ്യാറാക്കി െവച്ചിരിക്കുന്ന ചിക്കന് അതില് നിറയ്ക്കുക. ശേഷം മുട്ട, പഞ്ചസാര, ഒരനുള്ള് ഉപ്പ് എന്നിവ ചേര്ത്ത് നന്നായി പതപ്പിച്ചെടുക്കുക. അതിലേക്ക് ഫില് ചെയ്തു െവച്ചിരിക്കുന്ന പത്തിരി മുക്കിയെടുത്ത് ഫ്രൈ ചെയ്തെടുക്കുക
Content Highlights: erachi pathiri recipe malayalam
Published: 01 Mar 2025, 11:03 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented